მნიშვნელოვანი ინფორმაცია
1
ივნისიდღის ზოგადი ასტროლოგიური პროგნოზი
კვირა, მთვარის მეექვსე დღე დაიწყება 10:27-ზე, მთვარე ლომშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. რეკომენდებულია: მოაგვარეთ მატერიალური და ფულადი საკითხები. აკეთეთ საქმე. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
საქართველოში 34 ტანკი შემოვიდა - სრულიად შესაძლებელია ისინი თქვენს სახლში მოხვდნენ
04:03 / 04-05-2016
საქართველოში "აბრამსი", "ლეოპარდი", "მერკავა" და სხვა საბრძოლო ტექნიკა გამოჩნდება. 34 ტანკი უკვე ადგილზეა და ამ ტექნიკას, არც მეტი, არც ნაკლები, ქართველები საკუთარ სახლში მოუყრიან თავს. უტოპიურად ჟღერს არა? - დიახ, თითოეული ადამინის სახლში, რომელებსაც სამხედრო საკითხები და შესაბამისად, საბრძოლო ტექნიკა აინტერესებს, უმარავი ტანკი მოთავსდება. უფრო მეტიც, მათ განსათავსებლად 2-3 თარო სავსებით საკმარისი იქნება. როგორი იქნება ტანკების
რაოდენობა, ეს უკვე მომხმარებლის სურვილზეა დამოკიდებული.
26 მაისს, საქართველოს დამოუკიდებლობის აღდგენის დღესთან დაკავშირებით, საზეიმო ღონისძიებაზე დაგეგმილია ამერიკული ტანკების "აბრამსების" გამოჩენა. ტანკებს მაისის შუა რიცხვებში ვაზიანის პოლიგონზე ქართულ-ამერიკული სამხედრო სწავლებაში მონაწილეობისთვის ჩამოიყვანენ. მაგრამ რაც შეეხება "ლეოპარდს" და სხვა საბრძოლო ტექნიკას, მათი მოდელების შეძენას მსურველები ჟურნალ "არსენალთან" ერთად შეძლებენ.
მათთვის, ვისაც სურს ჰქონდეს საკუთარი "აბრამსი", "ლეოპარდი", "მერკავა" და ა.შ. ჟურნალი "არსენალი" ახალ შესაძლებლობას იძლევა - მსურველი ყოველთვიურად შეძლებს შეიძინოს თანამედროვე და ისტორიული საბრძოლო ტექნიკის საკოლექციო მოდელები. ეს მოდელები მეტალისგან არის დამზადებული და ორიგინალის ზუსტი ასლია. ჟურნალ "არსენალის" მაისის ნომერთან ერთად მკითხველი "აბრამსის" ზუსტი ასლის შეძენას შეძლებს.
როგორც ერთ-ერთი თინეიჯერი, გიორგი კიკაბიძე AMBEBI.GE - სთან საუბრისას აღნიშნავს, ჟურნალ "არსენალის" წამოწყება მისთვის საინტერესო სიახლე აღმოჩნდა:
"ნამდვილად საინტერესო სიახლეა. მით უმეტეს, მოზარდებისთვის. ბევრი ადამიანის ჰობია ნივთების შეგროვება, ბევრს ძალიან უყვარს საბრძოლო იარაღები და მათ არ აქვთ შესაძლებლობა, ყოველდღე დაათვალიერონ ტანკები. ასეთი კოლექცია დაეხმარებათ, შეაგროვონ მეტი საყვარელი ნივთი. ჩემთვის საინტერესო იქნება ამ კოლექციის შეგროვება. ასევე, ეს არის სტიმული, რომ ახალი სფერო შევისწავლო", - აღნიშნა გიორგი კიკაბიძემ.
ჟურნალ "არსენალის" ერთ-ერთი მკითხველის, ნიკა ჯალაღონიას თქმით, მოდელების ცალკე ყიდვა დღემდე სირთულეს წარმოადგენდა. ახლა კი ჟურნალთან ერთად ყველა მოდელის შეგროვებისა და მათთან დაკავშირებული საინტერესო ფაქტების გაცნობის შესაძლებლობა მიეცა.
"ხშირად ვკითხულობ "არსენალს" და ახლა სასიამოვნო სიახლის შესახებ შევიტყვე - ჟურნალთან ერთად სამხედრო მოდელების შეძენას შევძლებ. ფასიც მისაღებია იმიტომ, რომ ცალკე მოდელის ფასი ბევრად მაღალია. საინტერესოა, რომ ჟურნალში იმ მოდელის შესახებ ინფორმაციის წაკითხვა შეიძლება, რომელიც თან ერთვის ჟურნალს. მოდელებს ცალკე მოძიება ჭირდა, ეს ჟურნალი კი ყველა მოდელის თავმოყრას გამიადვილებს", - აღნიშნა ნიკა ჯალაღონიამ.
როგორც "არსენალის" რედაქციაში აცხადებენ, წამოწყების მთავარი იდეა სამხედრო ტექნიკის პოპულარიზაცია და მოზარდებში სამხედრო საქმის მიმართ სიყვარულის
გაღვივებაა.
"ჩვენი იდეაა, რომ ამით მოსახლეობის და განსაკუთრებით, ახალგაზრდობის ინტერესი გავაღვივოთ სამხედრო ტექნიკისადმი, ქართული არმიისადმი, თავდაცვისუნარიანობის გაზრდისადმი. რაც უფრო დიდი იქნება მოდელების კოლექცია, მით უფრო საინტერესო იქნება როგორც კოლექციის მფლობელებისთვის, ასევე მათი ახლობლებისთვის", - აღნიშნა ჟურნალ "არსენალის" მთავარმა რედაქტორმა ირაკლი ალადაშვილმა.
"არსენალის" მაისის ნომერი, თანდართულ მოდელთან ერთად უკვე გაყიდვაშია. როგორია "აბრამსის" ისტორია, რომელიც გენერალ კრეიტონ აბრამსის სახელს ატარებს - ამას მკითხველი ჟურნალ "არსენალში" შეიტყობს. მომავალ ნომრებში კი, მკითხველები სხვადსხვა საბრძოლო ტექნიკის შესახებ ისტორიასთან ერთად, მოდელებსაც გაეცნობიან და სურვილის მიხედვით, საკუთარ სახლში დააბინავებენ.
თამარ კორკოტაშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
