მნიშვნელოვანი ინფორმაცია
8
ივლისიდღის ზოგადი ასტროლოგიური პროგნოზი
სამშაბათი, მთვარის მეთოთხმეტე დღე დაიწყება 21:15-ზე, მთვარე მშვილდოსანშია – კარგია ნებისმიერი ბიზნესის დასაწყებად. ამ დღეს დაწყებული საქმეები თავისით გამოვა. შესაძლებელია დაწინაურება, ხელფასის მატება, ჯილდოები და დამსახურებული აღიარება. დაიწყეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კარგია კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. სასარგებლოა კუჭისა და ნაწლავების გაწმენდა. ფიზიკური აქტივობა სასარგებლოა. გაუფრთხილდით მხედველობას. ყურადღებით მოუსმინეთ ყველაფერს, რასაც გეუბნებათ საყვარელი ადამიანი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ქვეყნები, სადაც პუტკუნა ქალები დიდ პატივში არიან
01:01 / 29-04-2016
უამრავი პრობლემის მიუხედავად, რასაც ზედმეტი წონა იწვევს, სიმსუქნე ბევრ ქვეყანაში ჯანმრთელობის, სიმდიდრისა და ბედნიერების საწინდარად მიიჩნევა. გთავაზობთ იმ ქვეყნების ჩამონათვალს, სადაც პუტკუნა ქალები დიდ პატივში არიან, ვინაიდან ისტორიული და კულტურული ტრადიციები მხოლოდ ხელს უწყობს ამას.
ტონგა
პატარა კუნძულ ტონგაზე, რომელიც წყნარი ოკეანის სამხრეთით მდებარეობს, ქალის სილამაზედ ფაშფაშა ფორმები მიიჩნევა. ნოყიერმა და ვიტამინებით ღარიბმა საკვებმა, ასევე არასაკმარისმა ფიზიკურმა აქტივობამ ერის სიმსუქნისკენ მიდრეკილებას შეუწყო ხელი. კუნძულის 140 ათასი ზრდასრული მაცხოვრებლიდან 100 ათასს ჭარბი წონა აქვს. ერის გენეტიკური ფაქტორების შემსწავლელი ჩრდილოამერიკული ასოციაციის მიერ 2004 წელს ჩატარებულ კვლევებში გამოიკვეთა, რომ ტონგას მცხოვრებლები გენეტიკურად ისედაც მიდრეკილი არიან სიმსუქნისკენ.
ქუვეითი
ქუვეითში სიკვდილიანობის მთავარი მიზეზი გულ-სისხლძარღვთა დაავადებებია. 15 წლის ზემოთ ქალების 52%-ს ჭარბი წონა აწუხებს. მიიჩნეოდა, რომ ქვეყანაში სიმსუქნე ჯანმრთელობისა და სიმდიდრის მაჩვენებელი იყო და ეს ტენდენცია დღემდე შეიმჩნევა - რაც უფრო ფუმფულაა ქალი, მით უფრო მდიდარია სახლი.
ფიჯი
ერთ დროს იზოლირებული კუნძულის ლიდერები, მის დანარჩენ სამყაროსთან შეერთებას ცდილობდნენ. შედეგად, ფიჯის მცხოვრებელთა რაციონში გაჩნდა მაღალკალორიული საკვები. მოსახლეობა გათვითცნობიერებული არ იყო ჯანმრთელობის რისკების შესახებ, რამაც კუნძულის მცხოვრებთა უმეტესობის ჭარბწონიანობა გამოიწვია. თუმცა, ისინი არამხოლოდ მსუქნები, არამედ ბედნიერებიც არიან. ქალის წელის დიდი მოყვანილობა ნაყოფიერებაზე და სიმდიდრეზე მიუთითებს.
იამაიკა
იმის გათვალისწინებით, რომ იამაიკელი ქალების 65% ჭარბწონიანია, პლიაჟისთვის იდეალური სხეული სამედიცინო სტანდარტებს ორჯერ აღემატება. კუნძულის ბინადარი ქალების თავისებურება გახლავთ დიდი დუნდულები და თეძოები. 1993 წელს იამაიკის სოფლებში ჩატარებული კვლევების თანახმად, სიგამხდრე იქ მწუხარებასთან ასოცირდება, ზედმეტი წონა კი - სიკეთესთან, ბედნიერებასთან და ჰარმონიასთან. ამიტომაც გამხდარ გოგონებს, რომელთაც წონაში მომატება სურთ, სპეციალურ აბებს ასმევენ.
სამხრეთ აფრიკა
აივ-ინფექციის გავრცელების გამო, სამხრეთ აფრიკაში სიგამხდრე ავადმყოფობასთან ასოცირდება, შედეგად კი ქვეყანაში მოხდენილი სხეულისადმი ნეგატიური დამოკიდებულება შეიქმნა. ამასთან, დიდი წონისა და დიდი სიმდიდრის მრავალსაუკუნოვანი შეფარდება ვერ დაამარცხა ევროპულმა წარმოდგენამ იდეალური ზომების შესახებ, რომელიც აპარტეიდის პერიოდის შემდეგ გაჩნდა. ფუმფულა ქალებს აქ დღემდე უპირატესობას ანიჭებენ, როგორც ჯანმრთელობისა და ფინანსური სტატუსის კარგ მაჩვენებელს.
ტაიტი
ფრანგული პოლინეზიის კუნძულ ტაიტიზე არსებობდა ადგილობრივი ტრადიცია "ჰა"პორი", რომელიც სიტყვასიტყვით "გამოკვებას" ნიშნავს. ახალგაზრდა გოგონებს გამოკვებავდნენ, შემდეგ კი ტომის მეთაურს წარუდგენდნენ გოგონების სილამაზისა და ნაყოფიერების შესაფასებლად. ტაიტიზე დღემდე ეთაყვანებიან მრგვალი ფორმების მქონე ქალებს.
ნაურუ
ნაურუ მსოფლიოში ცნობილია დიაბეტის დაავადების ყველაზე მაღალი მაჩვენებელით (31%), ასევე მოსახლეობის ჭარბი წონისადმი მიდრეკილებით. აქაც, როგორც მაღლა მოყვანილ მაგალითებში, ფუმფულა ქალებს ეტრფიან. ფოსფატის საბადოები, რომლითაც კუნძულის უმეტესი ნაწილია დაფარული, ხელს უშლის სოფლის მეურნეობის მასშტაბურ წარმოებას. ახალი პროდუქტების იმპორტი ხელსაყრელი არ არის, ამიტომაც ყველაზე იაფფასიანი და კალორიული პროდუქტები შემოაქვთ ახალი ზელანდიიდან და ავსტრალიიდან.
AMBEBI.GE-სთვის მოამზადა დუდანა ზაქარაიამ
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალები ხდება ცნობილი თორნიკე რიჟვაძის საქმეზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
