ოთო ფოლადაშვილის პირველი კომენტარი ანა ახვლედიანთან რომანის შესახებ

მოცეკვავე ოთო ფოლადაშვილმა მოდელ ანა ახვლედიანთან რომანის შესახებ გავრცელებულ ინფორმაციაზე ტელეკამერასთან პირველი კომენტარი გააკეთა.

"რა თქმა უნდა, სიმართლეა. ბედნიერად ვგრძნობთ თავს. ურთიერთობას არც აქამდე ვმალავდით, უბრალოდ არ ვასაჯაროვებდით. ის, რომ ერთად ვართ და ძალიან ბედნიერები ვართ, გვიხარია ორივეს", - აღნიშნა ოთო ფოლადაშვილმა "მარაოსთან" ინტერვიუში.

ოთოს გვერდით ინტერვიუს დროს ანაც იმყოფებოდა, რომელმაც აღნიშნა, რომ მათ ურთიერთობაში ყველაზე დიდ სირთულეს გადაღებების დროს ერთმანეთისგან შორ მანძილზე ყოფნა ქმნის.

ჟურნალისტმა წყვილს ეჭვიანობის შესახებაც დაუსვა შეკითხვა, რაზეც მოდელმა განაცხადა, რომ ოთო ძალიან ეჭვიანია, თუმცა მოცეკვავეს თქმით, მათი ურთიერთობა ნდობაზეა დამყარებული.