მნიშვნელოვანი ინფორმაცია
10
ივნისიდღის ზოგადი ასტროლოგიური პროგნოზი
სამშაბათი, მთვარის მეთხუთმეტე დღე დაიწყება 22:19-ზე, მთვარე მშვილდოსანშია – ენერგიული დღეა. ჯობია ემოციების მოთვინიერება, ვნებების აღკვეთა და თვითდისციპლინის გაძლიერება დაიწყება. მოიქეცით მშვიდად. მნიშვნელოვანი არაფერი გააკეთო. დაიწყეთ მარტივი ამოცანები, რომლებიც არ საჭიროებს ზედმეტ ძალისხმევას. ყურადღება მიაქციეთ საინტერესო იდეებს, შესაძლოა სამომავლოდ გამოგადგეთ. არ არის რეკომენდებული გამოიჩინოთ ამბიცია. გადაიტანოთ პასუხისმგებლობა სხვა ადამიანებზე. ჩაერთოთ ფინანსურ ოპერაციებში. მნიშვნელოვანი მოლაპარაკებების წარმოება. დღეს მოხმარებული პროდუქტები უნდა იყოს მაღალი ხარისხის და ახალი. უმჯობესია უარი თქვათ ძლიერ ჩაის, ყავასა და ალკოჰოლურ სასმელებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა ეტაპზეა საცობების განტვირთვის ახალი გეგმა: მერიის პასუხი მაღალსართულიან პარკირებასა და ბენზინგასამართი სადგურების გადატანაზე
03:31 / 25-04-2016
მაღალსართულიანი პარკირება და თითქმის ერთი თვის წინ თბილისის მერმა დედაქალაქში მრავალსართულიანი ავტოსადგომების მშენებლობის შესახებ დააანონსა და განაცხადა, რომ აღნიშნული სამუშაოების დასაწყებად ტენდერი გამოცხადდებოდა.
დავით ნარმანიამ თბილისში მანქანებით გადატვირთულ ტროტუარებზე კომენტარი გააკეთა და განაცხადა, რომ ხელისუფლებაში მოსვლის შემდეგ ამ თვალსაზრისით სიტუაცია შეისწავლეს და კომპანია "სითი პარკს" 500-ზე მეტი ადგილი ჩამოართვეს, სადაც წინა ხელისუფლების პირობებში პარკირებასთან დაკავშირებით თანხმობა იყო მიცემული. თბილისის მერის თქმით, პარკირება ეტაპობრივად ამჟამად არსებულ 1500-მდე ადგილზე გაუქმდება.
იხილეთ ვიდეო| თბილისის მერიამ საცობების განტვირთვის ახალი გეგმა წარადგინა
"მრავალსართულიანი პარკინგების მშენებლობასთან დაკავშირებით ტექნიკურ-ეკონომიკური დოკუმენტაცია მზადდება, რომელიც დაახლოებით სამ კვირაში მერიას ჩაბარდება, მასზე დაყრდნობით საინვესტიციო პროექტებს მოვამზადებთ და გამოვაცხადებთ ქალაქში მრავალსართულიანი პარკინგების მშენებლობის დაწყებას, რაც არსებულ მდგომარეობას დაარეგულირებს", - აღნიშნავდა დავით ნარმანია განცხადებაში.
მალევე ცნობილი გახდა, რომ მოძრაობის განტვირთვის მიზნით, თბილისის მერიას ახალი გეგმა ჰქონდა, რომლის ერთ-ერთი პუნქტი თბილისის ცენტრიდან რამდენიმე ბენზინგასამართი სადგურის გადატანაც შედიოდა. ვიცე-მერის ირაკლი ლექვინაძის თქმით, ლაგუნა ვერესთან" მდებარე "ვისოლის" ბენზინგასამართი სადგურის გადატანაზე თბილისის მერია კომპანიასთან მოლაპარაკებები უკვე მიმდინარეობდა.
რა ეტაპზეა ამჟამად პროცესები, გამოცხადდა თუ არა ტენდერი მაღალსართულიანი პარკირების საკითხზე და როგორ მიმდინარეობს ტექნიკური სამუშაოები? როგორც AMBEBI.GE-ს მერიაში განუცხადეს, არსებობს საცობების მართვის 5-პუნქტიანი გეგმა.
"ამ გეგმაში ერთ-ერთი პრიორიტეტული მიმართულებაა 2016 წლისთვის მიწისქვეშა და მიწისზედა მრავალსართულიანი ავტოსადგომების, პარკინგის ადგილების მოწყობა. ამ ეტაპზე, მიწისზედა და მიწისქვეშა ავტოსადგომების მოწყობის მიზნით, მიმდინარეობს 12 ლოკაციის ტექნიკურ-ეკონომიკური კვლევა საკონსულტაციო კომპანია pwc-ის მიერ. კვლევა ასევე, დამუშავდება საინვესტიციო წინადადების დონზე" - განგვიცხადეს მერიაში.
მერიის პრესსამსახურის ცნობით, დასრულებული ვარიანტი აპრილის ბოლოს განიხილება და მის საფუძველზე კერძო ინვესტორებისთვის წინადადების მომზადება და ინტერესთა გამოხატვა მოხდება. რაც შეეხება, მეორე საკითხს, როგორც მერიაში აცხადებენ, მარჯვენა სანაპიროზე გზის ("ლაგუნა ვერეს" მიმდებარე ტერიტორია) გაფართოების მიზნით, თბილისის მერია კერძო კომპანიებთან აწარმოებს მოლაპარაკებებს.
"მოლაპარაკებები მიმდინარეობს "ვისოლ ჯგუფთან" და კომპანია "ლასასთან", პროცესი დაახლოებით, სამ თვეს გაგრძელდება. სწორედ ამის შემდეგ გადაწყდება მარჯვენა სანაპიროს გაფართოების საკითხი",- აღნიშნავენ დედაქალაქის მერიაში.
ქრისტინე გამთენაძე
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
