ჭავჭავაძის გამზირზე მრავალსართულიან მშენებარე კორპუსში ხანძარი ლოკალიზებულია

თბილისში, ჭავჭავაძის გამზირზე მრავალსართულიან მშენებარე კორპუსში გაჩენილი ხანძარი ლოკალიზებულია, - ამის შესახებ "ინტერპრესნიუსს" საგანგებო სიტუაციების მართვის სამსახურში განუცხადეს.

მათივე განმარტებით, ხანძრის შედეგად დაიწვა იქ არსებული სამშენებლო მასალები.

შემთხვევის შედეგად არავინ დაშავებულა.

ხანძრის სრული ლიკვიდაციისთვის სამაშველო ბრიგადები ადგილზე ჯერ კიდევ რჩებიან. ხანძარს სამაშველო სამსახურის 5 მანქანა აქრობდა.