"ცეკვავენ ვარსკვლავები" ნინი წიკლაურთან დაკავშირებით განცხადებას ავრცელებს

პროექტ "ცეკვავენ ვარსკვლავების" მონაწილემ ნინი წიკლაურმა ერთ-ერთი ტრიუკის შესრულების დროს ტრავმა მიიღო. ამ ეტაპზე უცნობია, დარჩება თუ არა ის პროექტში და შეძლებს თუ არა ცეკვის გაგრძელებას.

"სასწრაფოდ!!!

მეგობრებო, სამწუხაროდ ხვალინდელი მსვლელობა გადაიდო.

პროექტის მონაწილემ, ნინი წიკლაურმა რეპეტიციის დროს ურთულესი ტრიუკის შესრულებისას მიიღო ტრავმა. სასწრაფო დახმარების ბრიგადამ ნინი ტრავმატოლოგიურ კლინიკაში გადაიყვანა, სადაც მას ჩაუტარდა კლინიკო-დიაგნოზური კვლევები.

შესაბამისად, პროექტის მონაწილეებთან დაგეგმილი შეხვედრა გადაიდო. ნინი ამჟამად თავს უკეთ გრძნობს, შეძლებს თუ არა ორშაბათს პირდაპირ ეთერში ცეკვას, ამას ხვალ გავიგებთ…", - წერია "ცეკვავენ ვარსკვლავების" მიერ გავრცელებულ განცხადებაში.