"ახალგაზრდას შეიძლება დავუნგრიოთ ცხოვრება" - რას ფიქრობს პრემიერ-მინისტრი მარიხუანას დეკრიმინალიზაციაზე
ლეგალიზაცია არ უნდა მოვახდინოთ, მაგრამ მსუბუქი ნარკოტიკის მოხმარებისთვის ადამიანი ციხეში არ უნდა ჩავსვათ, - ამის შესახებ საქართველოს პრემიერ-მინისტრმა გიორგი კვირიკაშვილმა ჟურნალისტებთან შეხვედრაზე განაცხადა.
პრემიერის თქმით, არავითარ შემთხვევაში არ უნდა წაახალისონ თუნდაც მსუბუქი ნარკოტიკის მოხმარება და შეფასებები ამ საკითხთან მიმართებაში ამ კუთხით უნდა იყოს ერთმნიშვნელოვანი.
"რაც შეეხება იმას, რომ ახალგაზრდა, რომელმაც მსუბუქი ნარკოტიკი მოიხმარა და დავაპატიმროთ, მე ვფიქრობ, რომ ეს არასწორი გადაწყვეტილებაა. ჩვენ ამით ამ ახალგაზრდას შეიძლება დავუნგრიოთ ცხოვრება და მოვუსპოთ იმის შანსი, რომ მომავალში აღარ მოიხმაროს ეს ნარკოტიკი. რაც შეეხება ლეგალიზაციას, რომელიც დეკრიმინალიზაციისგან განსახვავებული საკითხია, მე არ მიმაჩნია, რომ ლეგალიზაცია უნდა მოვახდნოთ. რაც შეეხება დეკრიმინალიზაციას, მსუბუქი ნარკოტიკის მოხმარებისთვის ადამიანი ციხეში არ უნდა ჩავსვათ", - განაცხადა გიორგი კვირიკაშვილმა.
პრემიერის განცხადებით, ეცდება, რომ ამ კუთხით მხარდაჭერის კონსოლიდაცია მოახდინოს და ცვლილებებიც განახორციელოს.
პრემიერ-მინისტრის პასუხები ჟურნალისტებთან შეხვედრისას, იხილეთ ამ ბმულზე
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
