მნიშვნელოვანი ინფორმაცია
28
მაისიდღის ზოგადი ასტროლოგიური პროგნოზი
ოთხშაბათი, მთვარის მეორე დღე დაიწყება 04:56-ზე, მთვარე კირჩხიბში გადავა 21:36-ზე – კარგია ბიზნესის დაწყება. მუშაობა ინდივიდუალურადაც და გუნდურადაც. მოძებნეთ სპონსორები თქვენი პროექტებისთვის. შეგიძლიათ დაიწყოთ ახალი საგნების სწავლა, ჩაირიცხოთ კურსებზე. მოგზაურობა, მივლინებები. ერთ-ერთი საუკეთესო დღეა ქორწინებისთვის. ამ დღეს შექმნილი ოჯახი ძლიერი და მეგობრული იქნება. კარგია მტვერსასრუტით სახლის დალაგება, სანტექნიკის გამოცვლა. აუცილებელია ნათურების, ჭაღების გაწმენდა, აგრეთვე ჭურჭლისა და სარეცხის გარეცხვა. კარგი დღეებია მცენარეების მორწყვისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ჰოლივუდის ვარსკვლავები, რომლებიც სხვადასხვა დროს საქართველოს სტუმრობდნენ
05:23 / 12-04-2016
ბოლო წლებში საქართველოს შესახებ მსოფლიოს მასშტაბით სულ უფრო მეტი ადამიანი იღებს ინფორმაციას. მათ შორის არიან ჰოლივუდის ვარსკვლავებიც, რომლებიც ჩვენს ქვეყანაში ძირითადად ფილმში გადასაღებად ჩამოდიან. წარმოგიდგენთ მსოფლიო დონის მსახიობთა არასრულ სიას, რომლებიც სხვადასხვა დრო საქართველოს სტუმრობდნენ.
კირა ნაიტლი
ჰოლივუდის ვარსკვლავი კირა ნაიტლი საქართველოს 2009 წელს ესტუმრა. მისი ვიზიტი კინოგადაღებებს არ უკავშირდებოდა, მსახიობმა საქართველოში საყვარელ მამაკაცს, ბრიტანელ მსახიობს რუპერტ ფრენდს ჩამოაკითხა. კირა ნაიტლი თბილისში რამდენიმე დღით დარჩა და ფილმის "აგვისტოს 5 დღე" გადაღებებს დაესწრო.
ენდი გარსია
2009 წელს ესტუმრა საქართველოს ჰოლივუდის ვარსკვლავი ენდი გარსია. მისი საქართველოში ჩამოსვლის მიზეზიც ფილმი "აგვისტოს 5 დღე" გახლდათ. რენი ჰარლინისთვის, საქართველოს მთავრობის მიერ დაკვეთილ ფილმში ენდი გარსიამ მიხეილ სააკაშვილის როლი ითამაშა. რენი ჰარლინს ორდღიანი გადაღებებისთვის ჰონორარის სახით 500 000 დოლარი გადაუხადეს. კინოგაქირავების ამერიკული სტატისტიკის ვებ-გვერდების მიხედვით "აგვისტოს 5 დღის" გადაღება 12 მილიონი დოლარი დაჯდა, მისი გაქირავებიდან შემოსულმა თანხამ კი მხოლოდ 17.479 დოლარი შეადგინა.
ველ კილმერი
ველ კილმერს მაყურებელი კარგად იცნობს. მისი როლებიდან განსაკუთრებით პოპულარულია ჯიმ მორისონის პერსონაჟი, ფილმში "The Doors". ჰოლივუდის ვარსკვლავი 2009 წელს საქართველოში იმყოფებოდა, რუსეთ-საქართველოს ომზე გადაღებულ ფილმში ამერიკელი ჟურნალისტი განასახიერა.
რალფ ფაინსი
ჰოლივუდის ვარსკვლავი რალფ ფაინსი გასული წლის ოქტომბერში თბილისს ეწვია. მის სტუმრობას საქართველოში დიდი გამოხმაურება მოჰყვა. ჰოლივუდის ვარსკვლავი მარჯანიშვილის თეატრში იმყოფებოდა, სადაც მსახიობებს პირადად გაეცნო და თეატრალური ფესტივალი გახსნა.
ვინი ჯონსი
"ევროტურის" ვარსკვლავი ვინი ჯონსი თბილისს 2012 წელს ეწვია. თბილისში ფილმში გადასაღებად ჩამოვიდა, მას მონაწილეობა უნდა მიეღო კომპანია "აბეკას" მიერ გადაღებულ ფილმში "ჯინსების თაობა", მაგრამ ფილმი ეკრანებზე ჯერ არ გამოსულა. საქართველოში სტუმრად მყოფი ვინი ჯონსი თეატრალური უნივერსიტეტის სტუდენტებს შეხვდა.
ჯეისონ ფლემინგი
ჰოლივუდის ვარსკვლავი ჯეისონ ფლემინგი საქართველოში ორი წლის წინ იმყოფებოდა. მან ნიკოლოზ ხომასურიძის ფილმის "ჯინსების თაობა" გადაღებებში მიიღო მონაწილეობა. გახმაურებულ ქართულ ისტორიაზე შექმნილ ფილმში ჰოლივუდის ვარსკვლავმა მღვდლის, თემურ ჩიხლაძის როლი ითამაშა.
სამი ნასერი
ტაქსის ვარსკვლავი სამი ნასერი თბილისში 2015 წელს იმყოფებოდა. საქართველოში ერთ-ერთი კომპანიის მოწვევით ჩამოვიდა, რომელმაც ფრანგი მსახიობი საკუთარი კომპანიის რეკლამაში გადაიღო. სამი ნასერიმ თბილისი დაათვალიერა და ქართული სამზარეულოც დააგემოვნა.
შერონ სტოუნი
ჰოლივუდის ვარსკვლავი შერონ სტოუნი თბილისში 7 წლის წინ იმყოფებოდა. ის "აგვისტოს 5 დღის" ქართულ პრემიერას დაესწრო. ცნობილ ვარსკვლავს მიხეილ სააკაშვილმა საკუთარ რეზიდენციაში უმასპინძლა, რის შემდეგაც საქართველოს პატრიარქს ილია მეორეს შეხვდა. პატრიარქთან შეხვედრაზე შერონ სტოუნმა იტირა. თბილისში სტუმრად მყოფი შერონ სტოუნი ერთ-ერთ ბარშიც იმყოფებოდა, სადაც ჩოგბურთს უყურა. როგორც ადმინისტრაციას გამოუტყდა, ის ჩოგბურთის დიდი გულშემატკივარია და განსაკუთრებით ფედერერს გულშემატკივრობს.
თამარ ბოჭორიშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვინ ხარჯავს ყველაზე მეტს თავდაცვაზე და როგორ გამოიყურება საქართველოს შეირაღებული ძალების შესაძლობები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
