28
მაისიდღის ზოგადი ასტროლოგიური პროგნოზი
საქართველოს რომის პაპი ფრანცისკე სექტემბრის ბოლოს ეწვევა. რომის პაპმა მოწვევა საქართველოს ხელისუფლებისგან მიიღო.
რომის 266-ე პაპის არჩევნებში 48 ქვეყნის 115 კარდინალი მონაწილეობდა. მათგან ყველაზე მეტი წარმომადგენელი – 28 კარდინალი იტალიას ჰყავდა, 11 კი აშშ-ს.
ხორხე მარიო ბერგოლიო არგენტინაში 1936 წელს დაიბადა. მისი მამა რკინიგზის მუშაკი იყო იტალიიდან. 1969 წლის 13 დეკემბერს ხორხე მარიო ბერგოლიო არქიეპისკოპოსმა რამონ ხოსე კასტელიანომ აღკვეცა ბერ-მონაზვნად.
1998 წლის 28 თებერვალს კარდინალ ანტონიო კარასინოს მემკვიდრედ დასახელდა. სტატუსი ოფიციალურად 2001 წლის 21 თებერვალს, ვატიკანში, პაპმა იოანე პავლე II-მ უბოძა.
რომის პაპი საუბრობს ესპანურ და იტალიურ ენებზე. პაპის არჩევნებზე 2005 წელს, ხორხე ბერგოლიო ბენედიქტ მეთექვსმეტეს კონკურენტი იყო. ფრანცისკი არის პირველი არაევროპელი პაპი რომის კათოლიკური ეკლესიის ისტორიაში.
(რომის პაპმა ატირებული პატარა დაამშვიდა)
რომის პაპ ფრანცისკეზე დასავლური მედია ხშირად წერს, რომ ის არის მეგობრული (იხ. რომის პაპის გულთბილი ჩახუტება მძიმედ დაავადებულ მამაკაცთან), მხიარული და აქვს იუმორი.
აღსანიშნავია, რომ პაპის ხუმრობები და მრევლთან განსაკუთრებული დამოკიდებულება არაერთხელ გავრცელდა ვირუსულად სხვადასხვა ინტერნეტსაიტებზე. (იხ. რომის პაპთან ერთად, მესა პატარა ბიჭმა "ჩაატარა")
ერთ-ერთ შეხვედრაზე პაპის სიდედრზე ხუმრობამ საზოგადოება აღაფრთოვანა. პაპმა ფრანცისკემ ფილადელფიაში მის სანახავად შეკრებილი ხალხი გაამხიარულა ფრაზით: "ოჯახები, კამათი... ზოგჯერ თეფშები იწყებენ ფრენას და ბავშვები თავის ტკივილს იწვევენ. საერთოდ ჯობს არაფერი ვთქვა სიდედრების შესახებ..." - იხუმრა პაპმა.
(პაპის განცხადებით ცხოველები სამოთხეში ხვდებიან)
ამ ფაქტამდე ცოტა ხნით ადრე პაპის ირგვლივ კიდევ ერთი კურიოზული ისტორია გავრცელდა. ამერიკის კონგრესში პენსილვანიის შტატის პალატის წევრმა რომის პაპის გამოსვლის შემდეგ მისი დატოვებული ჭიქა წყალი მოიპარა. ბობ ბრედიმ ტრიბუნიდან კაბინეტში წაიღო პაპის მიერ ნახევრად მოსმული წყალი.
კაბინეტში ბრედიმ, მისმა მეუღლემ და ორმა თანამშრომელმა თითო ყლუპი მოსვეს პაპის ჭიქიდან და ეს ფაქტი სამახსოვროდ გადაიღეს. დარჩენილი წყალი კონგრესმენმა ბოთლში გადაასხა და საშვილიშვილოდ შეინახა.
რომის პაპი ფრანცისკე პირველია, რომელმაც ოფიციალურად მისცა მღვდლებს უფლება, აბორტის ცოდვა მიუტევონ ქალებს, რომლებიც ჩადენილს ინანიებენ. 78 წლის პაპმა თავის გადაწყვეტილება ახსნა იმით, რომ წირვების დროს ბევრ ქალს შეხვდა, რომელსაც გულზე ჭრილობად ჰქონდა ეს მტკივნეული გადაწყვეტილება. აქამდე აბორტის ცოდვა, რომელსაც ეკლესია მკვლელობასთან აიგივებს, მხოლოდ ეპარქიულ ეპისკოპოსებს შეეძლოთ მიეტევებინათ.
(პაპის ჩახუტება მძიმედ დაავადებულ მამაკაცთან)
ფრანცისკე ყოველთვის გულახდილობით გამოირჩევა. პაპმა განაცხადა, რომ სტუდენტობის პერიოდში ღამის კლუბში დაცვაში მუშაობდა და ე.წ. "ფეის-კონტროლიორი" იყო. ფრანცისკი წესრიგის დამრღვევ სტუმრებს ბარიდან ქუჩაში ისტუმრებდა; მოგვიანებით ლიტერატურითა და ფსიქოლოგიით დაინტერესდა და გააცნობიერა, როგორ დააბრუნოს ხალხი ეკლესიაში. (რომის პაპი ინსტაგრამს "იპყრობს" )
დასავლურ გამოცემებში წერენ, რომ ფრანცისკი ყოველ ღამე ქუჩაში შენიღბული გადის და მათხოვრებს ეხმარება.
ნანა ჩხაიძე
AMBEBI.GE
