"ვადასტურებ, შალვა რამიშვილი ახორციელებდა სექსუალური ხასიათის შევიწროვებას" - "ტასო ბარნოვას" პირველი საჯარო კომენტარი სკანდალზე
მედიაში რამდენიმე დღეა ვრცელება ინფორმაცია, რომ "იმედიდან" შალვა რამიშვილის გაშვების მიზეზი, ტელეწამყვანის მხრიდან ყოფილ თანამშრომელზე სექსუალური ხასიათის ზეწოლა გახდა. აღნიშნული ინფორმაცია დღეს საგანგებოდ გამართულ ბრიფინგზე რამიშვილის ყოფილმა თანამშრომელმა თათია სამხარაძემ (ტასო ბარნოვა) დაადასტურა.
რამიშვილის შოუების ყოფილი მსახიობი აცხადებს, რომ შალვა რამიშვილის მხრიდან მის მიმართ სექსუალური ხასიათის შევიწროება ხორციელდებოდა.
ამასთან დაკავშირებით დღეს თათია სამხარაძემ ფონდ "ღია საზოგადოება საქართველოს" ოფისში ქალთა მოძრაობის წევრებთან ერთად პრესკონფერენცია გამართა.
თათია სამხარაძე აპირებს, რომ სექსუალური შევიწროვების ფაქტზე შალვა რამიშვილს სასამართლოში უჩივლოს.
"მე ვადასტურებ საჯაროდ, რომ ჩემს მიმართ ხორციელდებოდა სექსუალური ხასიათის შევიწროვება იმჟამინდელი უფროსის, შალვა რამიშვილის მხრიდან და ამან მიიღო სისტემური ხასიათი, რის შემდეგადაც მე იძულებული გავხდი დამეტოვებინა სამსახური და დირექციისთვის დახმარების თხოვნით მიმემართა. ვაპირებ დავიცვა ჩემი უფლებები სასამართლოს კანონის გზით და ვუჩივლო მას სასამართლოში", - განაცხადა თათია სამხარაძემ.
მისივე ინფორმაციით, არსებობს აუდიოჩანაწერი, რომელიც ამჟამად ლევან სამხარაულის ექსპერტიზის ბიუროში ავთენტურობაზე ექსპერტიზას გადის.
წაიკითხეთ:
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
