სოფელ გლდანში 22 წლის ბიჭი მოკლეს

თბილისში, სოფელ გლდანში ახალგაზრდა მამაკაცი მოკლეს. არსებული ინფორმაციით, 22 წლის ბიჭს 4 ტყვია აქვს მოხვედრილი. შემთხვევა წუხელ ღამით მოხდა. სროლის შედეგად დაჭრილია კიდევ ერთი პირი. როგორც შინაგან საქმეთა სამინისტროში აცხადებენ, მომხდართან დაკავშირებით გამოძიება 108-ე და 236-ე მუხლებით მიმდინარეობს, რაც განზრახ მკვლელობას, ასევე იარაღისა და საბრძოლო მასალის უკანონო შეძენა- შენახვა-ტარებას გულისხმობს.