20
ივნისიდღის ზოგადი ასტროლოგიური პროგნოზი
8 აპრილს ჯაკომო პუჩინის Messa di gloria-ს პირველი შესრულება უკანასკნელ პერიოდში ტერაქტების შედეგად დაღუპულთა ხსოვნას მიეძღვნება.
როგორც "ინტერპრესნიუსს" ორგანიზატორებმა აცნობეს, ბოლო დროს განვითარებული ტრაგიკული მოვლენების მიუხედავად, აპრილის პირველ რიცხვებში დაგეგმილი გასტროლი არ გადადეს და თბილისს დირიჟორ მარიან მიეტასთან ერთად, ბელგიის გუნდი "სამარტინი" ეწვევა.
8 აპრილს რუსთაველის თეატრის სცენაზე "სამარტინი" საქველმოქმედო საღამოს საფრანგეთში, თურქეთსა და ბელგიაში ტერაქტის შედეგად დაღუპულთა ხსოვნას მიუძღვნის.
როგორც ორგანიზატორები აცხადებენ, საქართველოში პირველად შესრულდება პუჩინის შედევრი Messa di gloria, რომელიც შექმნილია სოლისტების, გუნდისა და ორკესტრისათვის. სოლისტები - მამია ახვლედიანი (ფორტეპიანო), თამაზ საგინაძე (ტენორი), ირაკლი მუჯირი (ბას-ბარიტონი).
მათივე თქმით, კონცერტი შესულია თბილისის მე-6 საერთაშორისო საგუნდო ფესტივალის პროგრამაში. საღამოს წარმდგენები არიან ევგენი მიქელაძის სახელობის საქართველოს ეროვნული მუსიკალური ცენტრი, საქართველოს კულტურისა და ძეგლთა დაცვის სამინისტრო და ხელოვანთა კავშირი Conceptart.
პროექტის მხარდამჭერია "პაატა ბურჭულაძის - საქართველოს განვითარების ფონდი".
