მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"105 000-ლარიანი "მერსედესი" უჩა ნანუაშვილისთვის" - სახალხო დამცველის გადადგომის მოთხოვნით აქცია გაიმართა
06:57 / 01-04-2016
ახალგაზრდა უფლებადამცველთა ასოციაციამ სახალხო დამცველის ოფისთან უჩა ნანუაშვილის გადადგომის მოთხოვნით, საპროტესტო აქცია გამართა. როგორც აქციის მონაწილეები აცხადებენ, სახალხო დამცველი საკუთარი კომფორტის გაუმჯობესებისთვის რამდენიმე ათას ლარს ხარჯავს და დაკისრებულ ვალდებულებას - მოქალაქეების უფლებების დაცვას, პირნათლად არ ასრულებს.
აქციის ერთ-ერთი ორგანიზატორის, ლექსო კობაიძის თქმით, სახალხო დამცველმა პირადი კეთილდღეობისათვის, "ჰიუნდაის" მარკის ავტომობილების ნაცვლად შეიძინა "მერსედესის" მარკის ძვირადღირებული ავტომობილები, ხოლო ავტომობილების ყიდვისთვის თანხა საქართველოს ბიუჯეტიდან დაიხარჯა. ლექსო კობაიძის თქმით, მსგავსი ფაქტი მიუღებელია.
"ჩვენ ნანუაშვილს არაერთხელ მივმართეთ ადამიანის უფლებების დარღვევის ფაქტზე, თუმცა ამ ადამიანს არანაირი რეაგირება არ მოუხდენია. ახლა ნანუაშვილმა დაიწყო საკუთარ კომფორტზე ზრუნვა. ის დაკავებულია მხოლოდ საკუთარ სტომაქზე ზრუნვით. 105 000 ლარი უნდა გადავიხადოთ ჩვენ ბიუჯეტიდან იმისთვის, რომ უჩა ნანუაშვილს მანქანა ვუყიდოთ. ძველი ავტომობილები, რომლებიც "ჰიუნდაის" მარკის იყო, ჩამოწერეს და შეფასდა 7 000 ლარად. ახალი ავტომობილები უჩა ნანუაშვილს 15 აპრილს ეყოლება", - განაცხადა ლექსო კობაიძემ.
ვიდეო: როგორ გამოიყურება სახალხო დამცველის 105 000 ლარად ღირებული "მერსედესი"
არასამთავრობო ორგანიზაციების ბრალდებებზე კომენტარი გააკეთა სახალხო დამცველმა. უჩა ნანუაშვილის თქმით, სახელმწიფო ვალდებულია, რომ სახალხო დამცველის ოფისს შეუქმნას ფუნქციონირებისთვის ყველა პირობა. "ჩვენ რომ შეგვეძინა სხვა მარკის ავტომობილი, შესაძლოა, ავტომობილის საბაზრო ფასი ნაკლები ყოფილიყო, თუმცა შესყიდვის შემდეგ მანქანებს ექნება ტექნიკური პრობლემები, ჩვენ გათვლილი გვაქვს იმაზე, რომ მანქანა გამოიყენება ხანგრძლივი ვადით. რაც შეეხება თანხას, თუ რამდენი გამოიყო ბიუჯეტიდან, მე ინფორმაცია არ მაქვს", - განაცხადა უჩა ნანუაშვილმა.
მისივე თქმით, გაზრდილია მომართვიანობა სახალხო დამცველის ოფისთან და ასევე გაზრდილია სახალხო დამცველის სამუშაო მასშტაბები. შესაბამისად, გადაწყვეტილება ადეკვატურად იქნა მიღებული. აქციის მონაწილეებს სახალხო დამცველის ოფისთან მოტანილი ჰქონდათ ბანერები "გადადგეს უჩა ნანუაშვილი", "უჩა ნანუაშვილი მოქალაქეებზე არ ზრუნავს".
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
