24
მაისიდღის ზოგადი ასტროლოგიური პროგნოზი
როდესაც ბრიელი და კაირი ჯექსონები გაჩნდნენ, ექიმები არ იყვნენ დაწმუნებულნი, გადარჩებოდნენ თუ არა ახალშობილები. გოგონები 1995 წელს, ვადაზე 3 თვით ადრე, 6 თვისანი დაიბადნენ. ერთ-ერთის მდგომარეობა განსაკუთრებით მძიმე იყო, მაგრამ მედდის ქმედებამ და ახალშობილი კაირის ჩახუტებამ, ბრიელის სიცოცხლე შეუნარჩუნა.
როცა მედდამ ნახა, რომ ბრიელს სუნთქვა უჭირდა და ბავშვი უჰაერობისგან ლურჯდებოდა, პროტოკოლი დაარღვია და ორივე ერთ ინკუბატორში მოათავსა. რამდენიმე წუთი და მედდა საოცარი სანახაობის თვითმხილველი გახდა - კაირიმ, რომელიც დაიკოზე უფრო ძლიერი აღმოჩნდა, დას ხელი გადახვია. დის შეხებამ ტყუპისცალის გულისცემა დაარეგულირა და ტემპერატურაც ნორმალურ დონეზე დაბრუნდა. ფოტო, რომელზეც კაირი თავის პატარა დას ეხუტება, ჟურნალ "ლაიფში" და "რიდერ დაიჯესტში" დაიბეჭდა. ფოტოს სახელად "გადამრჩენი ჩახუტება" უწოდეს.
როდესაც ახალშობილები საავადმყოფოდან გამოწერეს, მშობლებმა ისინი სახლშიც ერთ საწოლში მოათავსეს. დღეს ბრიელი და კაირი 21 წლისები არიან და ერთმანეთს კვლავ ძალიან უფრთხილდებიან. ამ შემთხვევის შემდეგ საავადმყოფოებში ნაადრევად დაბადებული ტყუპების ერთ ინკუბატორში მოთავსება დაიწყეს და ამგვარად, ასობით ჩვილი გადარჩა.
მომზადებულია lifenews.com-ს მიხედვით
