7
ივნისიდღის ზოგადი ასტროლოგიური პროგნოზი
გამტაცებელმა ბორტზე მყოფი კიდევ ხუთი ადამიანი გაათავისუფლა. ამის შესახებ ინფორმაციას დასავლური საინფორმაციო სააგენტოები ავრცელებენ. AFP-ის ცნობით, საუბარია სავარაუდოდ, ეკიპაჟის წევრებზე.
ეგვიპტური მხარის ცნობით, თვითმფრინავში გატაცების მომენტში 8 ამერიკელი, 4 ბრიტანელი, 2 ბელგიელი, ერთი იტალიელი, 4 ჰოლანდიელი და 30 ეგვიპტელი იმყოფებოდნენ.
თვითმფრინავის გამტაცებელი ამერიკულ უნივერსიტეტში სწავლობს და სამედიცინო ფაკულტეტის სტუდენტია. ამის შესახებ გამოცემა "ტელეგრაფი" იტყობინება.
გამოცემის ცნობით, გამტაცებელი, რომელიც დაუდასტურებელი ინფორმაციით, ვინმე იბრაჰიმ სამაჰაა, აშშ-ში, ატლანტას უნივერსიტეტში სწავლობს.
ცოტა ხნის წინ ცნობილი გახდა, რომ გამტაცებლის მოქმედებები სავარაუდოდ, პირად მოტივებს უკავშირდება. როგორც დასავლური მედია წერს, კვიპროსში, სადაც მან მფრინავებს თვითმფრინავის ჩაყვანა უბრძანა, გამტაცებლის ყოფილი მეუღლე ცხოვრობს.
ადგილობრივი პრესა წერს, რომ ლარნაკას აეროპორტში მალე გამტაცებლის ექს-მეუღლეს ჩაიყვანენ.
ჯერ უცნობია, თუ კონკრეტულად რას ითხოვს გამტაცებელი. ის თვითმფრინავის ბორტზე ეკიპაჟსა და 4 მგზავრთან ერთად იმყოფება.
იხილეთ ასევე: ეგვიპტის ტელევიზია თვითმფრინავის სავარაუდო გამტაცებლის ფოტოს ავრცელებს
