საფრანგეთის ქალაქ ტულუზას აეროპორტიდან მგზავრებისა და თანამშრომლების ევაკუაცია განხორციელდა. ამის შესახებ ევროპული მედია წერს.
გავრცელებული ცნობით, ევაკუაცია უსაფრთხოების მიზნით განხორციელდა. აეროპორტი ადგილობრივი დროით 6:45 საათზე დაიხურა, ხოლო 8:30 საათზე გაიღო. ადგილზე პოლიცია და სამხედროები მუშაობდნენ.
მგზავრები მათი მუშაობის დასრულებას აეროპორტის გარეთ ელოდებოდნენ. გავრცელებული ცნობით, განგაშის მიზეზი აეროპორტის ტერიტორიაზე შენიშნული საეჭვო ნივთი გახდა. მომხდართან დაკავშირებით სხვა ინფორმაცია არ ვრცელდება.
ევროპის ქალაქების დიდ ნაწილში გუშინ ბრიუსელში მომხდარი ტერაქტების სერიის შემდეგ უსაფრთხოების ზომები გაამკაცრეს.
