მნიშვნელოვანი ინფორმაცია
25
ივნისიდღის ზოგადი ასტროლოგიური პროგნოზი
ხუთშაბათი, მთვარის მეორე დღე დაიწყება 04:52-ზე, მთვარე კირჩხიბშია – რეკომენდებულია ბიზნესის დაწყება. მუშაობა ინდივიდუალურადაც და გუნდურადაც. მოძებნეთ სპონსორები თქვენი პროექტებისთვის. შეგიძლიათ დაიწყოთ ახალი საგნების სწავლა, ჩაირიცხოთ კურსებზე. კარგია მოგზაურობა, მივლინებები. პირი და კბილები აქტიურია. კარგია ვარჯიშის დაწყება. რაც უფრო მარტივი და მსუბუქი იქნება დღეს საკვები, მით უკეთესია. არ არის მიზანშეწონილი ალკოჰოლისა და ხორცის მოხმარება. ერთ-ერთი საუკეთესო დღეა ქორწინებისთვის. დღეს შექმნილი ოჯახი ძლიერი და მეგობრული იქნება. კარგია პაემნის მოწყობა და საყვარელი ადამიანისთვის საჩუქრის მირთმევა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ისეთი შეშინებული ვიყავი, კაი ხანი ქალს არ გავკარებივარ" - მიშა მესხი სქემაზე, რომლითაც პირადი ცხოვრების ამსახველ კადრებს იღებდნენ
04:11 / 21-03-2016
პოლიტპატიმრის სტატუსით გათავისუფლებული მიშა მესხი, რომელიც მომღერალ სოფო ბედიას მეუღლეა, გაზეთ "პრაიმტაიმთან" იმ სქემაზე საუბრობს, რომლითაც ძალოვნების გარკვეული ჯგუფი ხელმძღვანელობდა და ფარული ჩანაწერების მოპოვება ხდებოდა. მან ის პერიოდი გაიხსენა (2012 წლის მარტი-მაისი), როცა "ქართული ოცნების" აქტიური წევრი იყო და საკუთარ თავზე გამოსცადა ეს ყველაფერი:
"მაშინ პარტიის ახალგაზრდულ ფრთაში გოგონებს აგზავნიდნენ, ვითომ პარტიის საგულშემატკივროდ, სინამდვილეში ინფორმაციებს აგროვებდნენ ჩვენზე. არ მიფიქრია, რომ ვინმეს ჩემი ინტიმური ცხოვრების გადაღება უნდოდა. ვფიქრობდი იმას, რომ გოგონა მომიგზავნეს იმისთვის, რომ პარტიის ამბები გამომტყუოს-მეთქი. პირველივე შეხვედრაზე პოლიტიკაზე ჩამოვუგდე სიტყვა. არ ამყვა, არც შეიმჩნია, რომ დაინტერესებული იყო. კარგი მსახიობები კი ჰყავდათ...
...მივედი მისამართზე. მეგობართან ერთად იყო. წასვლა რომ დავაპირე, იყავიო, მთხოვა. ფანჯარაში გადავიხედე. ორი "ბე-ემ-ვეს" მარკის ავტომობილი იდგა სადარბაზოსთან დაბურული მინებით. ჩემი მეგობარი მელოდება დაბლა, გავუშვებ, თან "კოკა-კოლას" მოვიტან და მოვალ-მეთქი, ვუთხარი. გვაქვს ყველაფერი, გვაქვსო, მეუბნებოდა. ლიფტამდე გამომყვა, მოდი-მოდის ძახილით. ლიფტში მეორე სართულზე გამოვედი და უკანა სადარბაზოდან გავედი. ეს მანქანებიც დაიძრნენ. ორივეს ერთნაირი სერია ჰქონდა. ამ გოგომ რომ დამირეკა, მაღაზიაში ვარ-თქო ვუთხარი. ეს მანქანებიც მაღაზიასთან მოვიდნენ. მოკლედ, შევძელი იქიდან გამოქცევა. მოვედი ოფისში და მოვყევი ეს ამბავი ბიჭებთან. ერთ-ერთმა გამიყვანა (სახელსა და გვარს არ დავასახელებ, საჩხერელია ის ბიჭი) და ასეთი რამ მითხრა, მაგ მისამართზე მეც ვიყავი, მაგ გოგოსთანო.
მოკლედ, შეხვედრიდან რამდენიმე დღეში კონსტიტუციური უსაფრთხოების ტიპებს ჩაუსვამთ ეს ბიჭი მანქანაში, სასაფლაოებზე წაუყვანიათ და ნოუთბუქში აყურებინეს თავისი ინტიმური ურთიერთობა ამ გოგოსთან. ამ ბიჭს შეყვარებული ჰყავდა და დაემუქრნენ, გაგისაჯაროებთ ამ ვიდეოსო. თუ არ მოეშვები მაგ "ოცნებაში" სიარულს და მაგ ხალხს (კონკრეტულად ჩემზე უთხრეს), ცუდად დაამთავრებ ცხოვრებას, მაგათ ყველას მალე ციხეში განახებთო. მაშინ არც სასამართლო არსებობდა და არც პოლიცია. ყველა ბერკეტი მაშინდელ ხელისუფლებას ჰქონდა ხელში... შემდეგ გაირკვა, რომ ეს გოგონა ადრე დაჭერილი იყო ფაქტზე, რომ ციხეში შეყვარებულს ნარკოტიკი შეუგზავნა. ამათ მისცეს საშუალება, დანაშაული ამ ფორმით გამოესყიდა და ასე ამუშავებდნენ. ამის მერე ისეთი შეშინებული ვიყავი, კაი ხანი ქალს აღარ გავკარებივარ (იცინის), მერე ამომრჩევლის მოსყიდვის ფაქტზე მაინც დამიჭირეს.
...კიდევ ერთხელ ვიმეორებ, მე არაფრის არ მეშინია, მე მაშინ თავისუფალი კაცი ვიყავი, სექსი არ მქონია მამაკაცთან, ცხოველთან და თუ ქალთან გავიარე, ამის გამო ვერც ვერავინ დამაჯარიმებს, ვერც დამიჭერს და ვერც ვერაფერს მომთხოვს".
ნინო მჭედლიშვილი
გაზეთი "პრაიმტაიმი"
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რატომ გაგიჟდა მსოფლიო labubu-ს თოჯინებზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
