18
ივნისიდღის ზოგადი ასტროლოგიური პროგნოზი
თავდაცვის ყოფილი მინისტრის ირაკლი ოქრუაშვილის თქმით, პირადი ცხოვრების ამსახველი კადრებით ადამიანების დაშანტაჟება წინა ხელისუფლების დროს აქტიურად ხდებოდა. ოქრუაშვილი იხსენებს ერთ კონკრეტულ შემთხვევას, როდესაც ძმებმა ახალაიებმა სასულიერო პირების პირადი ცხოვრების ამსახველი კადრები მიუტანეს მიხეილ სააკაშვილს.
"მე რასაც შევესწარი იყო ორი შემთხვევა, როდესაც ახალაიებმა დიდი სიხარულით ამცნეს, რომ ორი სასულიერო პირი ჰყავდათ ჩაწერილი. უთხრეს, რომ ამ ყველაფერს შემოინახავდნენ მათთან საურთიერთობოდ. ეს იყო ის პერიოდი, როდესაც ჯერ კიდევ ახალი მოსულები ვიყავით ხელისუფლებაში. ამის შემდეგ, სანამ ხელისუფლებაში ვიყავი, მსგავსი რამ არ გამიგია.. მე ამ ყველაფერზე ჩემი უარყოფითი დამოკიდებულება მქონდა და მაშინვე ვუთხარი, რომ ეს ყველაფერი იყო სიბინძურე. ყველაფრის სათავე იყო სააკაშვილი, მისი გარყვნილი ბუნებიდან გამომდინარე. შეიძლება მას უშუალოდ ვინმესთვის არ დაევალებინა, მაგრამ ნება დაერთო უთქმელად", - ამბობს ოქრუაშვილი ტელეკომპანია "დიასთვის" მიცემულ ინტერვიუში.
ექსმინისტრი ბოლო დღეებში პირადი ცხოვრების ამსახველი კადრების გავრცელების ფაქტსაც ეხმაურება და ამ ყველაფერში ხელისუფლების კვალს გამორიცხავს.
"ამ საკითხს გამომძიებლის მიდგომებით უნდა მივუდგეთ, გავიგოთ მოტივი და დავადგინოთ წარმომადვლობა. მოტივი არის ქვეყანაში სიტუაციის დაძაბვა. ეს გამორიცხავს ხელისუფლების მონაწილეობას ამაში. ხელისუფლებას არ შეიძლება ქვეყანაში სიტუაციის დაძავბა აწყობდეს. ეს ყველაფერი წინა ხელისუფლების პირობებში იწერებოდა. ეს ყველამ იცის, რომ ესე იყო", - განაცხადა ოქრუაშვილმა.
