"მთელი დარჩენილი სიცოცხლე "ვეფხისტყაოსნის" აჩრდილთან ერთად მოგიწევს ცხოვრება" - გოგა ხაჩიძის მიმართვა რუსთაველის ორეულს
საპარლამენტო უმცირესობის წევრი გოგა ხაჩიძე შოთა რუსთაველის ბრიტანელ ორეულს, რომელიც ბოლო დღეებში საქართველოში პოპულარული გახდა, "ფეისბუქის" პირადი გვერდიდან მიმართავს:
"ძვირფასო Richard Biedul
❗
როგორ ხარ?
...
მესმის.
განგებამ ისურვა და მთელი დარჩენილი სიცოცხლე, გინდა თუ არ გინდა ეს, "ვეფხისტყაოსნის" აჩრდილთან ერთად მოგიწევს ცხოვრება.
მე, კარგად ვიცნობ საკუთარი ერის ამბიციებს და მისწრაფებებს.
ამიტომ ვფიქრობ, შორს არაა ის დღე, როდესაც ვარძიაში, შესაბამისად ჩაცმულს, ათასობით ადამიანის გარემოცვაში, პერფომანსზე მოგიწევს გამოსვლა.
...
მოგიწევს.
დამიჯერე, დრო აღარ დაკარგო რიჩარდ!
ამით დაიწყე -
"იყო არაბეთს როსტევან, მეფე ღმრთისაგან სვიანი,
მაღალი, უხვი, მდაბალი, ლაშქარ-მრავალი, ყმიანი,
მოსამართლე და მოწყალე, მორჭმული, განგებიანი,
თვით მეომარი უებრო, კვლა მოუბარი წყლიანი", - წერს ხაჩიძე და ბრიტანელ მოდელს საკუთარი პოსტის ინგლისურ ვერსიასაც სთავაზობს.
იხილეთ ასევე: "მე და რუსთაველი დაბადებისას განგვაცალკევეს" - ბრიტანელი მოდელი ქართველ პოეტთან მსგავსების ამბავს ეხმაურება