თამარ სანიკიძე - შეხვედრაზე ვლადიმერ პაპავას გადაყენების მოთხოვნის საკითხზე საუბარს გვერდს ვერ აუვლით
ფაქტია, რომ მარტო უნივერსიტეტი ამ მძიმე პრობლემებს ვერ უმკლავდება, - ამის შესახებ განათლების მინისტრმა თამარ სანიკიძემ ჟურნალისტებს სტუდენტებთან და უნივერსიტეტის რექტორთან შეხვედრის დაწყების წინ განუცხადა.
თამარ სანიკიძის თქმით, დღეს შეხვედრაზე საუბარი იქნება ყველა იმ მძიმე საკითხსა და პრობლემაზე, რომელიც სტუდენტების ორივე მხარემ დასვა. მისივე განცხადებით, შეხვედრაზე გვერდს ვერ აუვლიან სტუდენტების ერთი ჯგუფის მიერ უნივერსიტეტის რექტორის, ვლადიმერ პაპავას გადაყენების მოთხოვნის საკითხს და ამ თემაზე საუბარი იქნება.
"ვერც ერთი საკითხის განხილვას დღეს ჩვენ თავს ვერ ავარიდებთ. განხილული იქნება ყველა ის საკითხი, რომელიც სტუდენტების მიერ იქნა დასმული. რამდენი დროც არ უნდა დაგვჭირდეს, ჩვენ ყველა საკითხს შევეხებით და ყველაფერს ვიღონებთ სიტუაციის გამოსწორებისთვის", - აღნიშნა თამარ სანიკიძემ.
ჯერჯერობით უცნობია დაესწრება თუ არა შეხვედრას სტუდენტების ის ჯგუფი, რომელიც გიორგი გაფრინდაშვილის კანდიდატურის მოხსნას ითხოვდა. ამასთან დაკავშირებით ჯგუფში ამ დროისთვის მსჯელობა მიმდინარეობს.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
