თამარ სანიკიძის სტუდენტებთან შეხვედრა შეკამათებით დაიწყო

განათლების მინისტრი თამარ სანიკიძე იმ სტუდენტებს ხვდება, რომლებიც თსუ-ს კანცლერის თანამდებობაზე გიორგი გაფრინდაშვილის კანდიდატურას აპროტესტებენ.

სტუდენტებმა მინისტრს შეხვედრის დაწყებამდე ჰკითხეს, თუ რატომ არ ხვდებოდა ის აქამდე სტუდენტებს. როგორც ერთ-ერთმა სტუდენტმა აღნიშნა, არაერთხელ მათ შორის, სასწავლო პროცესის დაწყების დღეს ჰქონდათ მცდელობა, შეხვედროდნენ განათლების მინისტრს, თუმცა უშედეგოდ. სტუდენტების განცხადებით, სასწავლო პროცესის დასაწყისში, მინისტრმა სტუდენტებს ზურგი აქცია.

თავის მხრივ, განათლების მინისტრმა თამარ სანიკიძემ სტუდენტებს უპასუხა და აღნიშნა, რომ არასდროს არ ჰქონდა პრობლემა სტუდენტებს შეხვედროდა.