მნიშვნელოვანი ინფორმაცია
21
მარტიდღის ზოგადი ასტროლოგიური პროგნოზი
პარასკევი, მთვარის ოცდამეორე დღე დაიწყება 03:43-ზე, მთვარე მშვილდოსანშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. არ გადაუსხათ სხვას სისხლი და პირიქით. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული. არ გადატვირთოთ კუჭი. მოერიდეთ ცხიმიან საკვებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ლევან ბერძენიშვილი - ახლა სასჯელის გამკაცრებაზე საუბარი პრობლემიდან გაქცევაა
08:14 / 12-03-2016
ახლა სასჯელის გამკაცრებაზე საუბარი პრობლემიდან გაქცევაა, - ამის შესახებ "ინტერპრესნიუსს" საპარლამენტო უმრავლესობის წევრმა ლევან ბერძენიშვილმა პირადი ცხოვრების ამსახველი ფარული ჩანაწერების გავრცელებაზე სასჯელის შესაძლო გამკაცრების კომენტირებისას განუცხადა.
როგორც ბერძენიშვილმა აღნიშნა, ახლა მთავარია აღნიშნული მასალების შემქმნელისა და გამავრცელებლის პოვნა და სამაგალითოდ დასჯა, რადგან ყველამ დაინახოს, რომ მსგავსი ქმედებები უმკაცრესად და სამაგალითოდ ისჯება.
"სახელმწიფოს მიაყენეს შეურაცხყოფა, არამარტო მის ერთ-ერთ მოქალაქეს. ეს პირდაპირი დარტყმაა ქართულ სახელმწიფოებრიობაზე და ამას უნდა გაეცეს სათანადო პასუხი. ყველა ვინც ამაში მონაწილეობდა, ვინც გადაიღო, ვინც გაავრცელა, გავრცელებაში ხელი შეუწყო და სხვა, კანონის მიხედვით უნდა დაისაჯონ, რომ შეწყდეს ეს ამბავი, ერთხელ და სამუდამოდ. მე არ მგონია, რომ ახლა მთავარი სასჯელის გამკაცრება იყოს. ეს არის პრობლემიდან გაქცევა. სინამდვილეში, მთავარია ვიპოვოთ და დავსაჯოთ მაქსიმალურად, რასაც ახლა გულისხმობს კანონი. მერე თუ გნებავთ მაგაზეც ვიმსჯელოთ. მე მომხრე ვარ, რომ ძალიან მკაცრი იყოს სასჯელი, მაგრამ საკმარისად მკაცრია იმისთვის, რომ დაისაჯოს, მთავარია ვიპოვოთ", - განუცხადა "ინტერპრესნიუსს" ბერძენიშვილმა.
დეპუტატი კანონში ცვლილებების შეტანასაც არ გამორიცხავს და აღნიშნავს, რომ "რესპუბლიკელები" ნებისმიერ ცვლილებას დაუჭერენ მხარს, რაც მოსმენების საკითხის გაუმჯობესებას უკავშირდება.
"ე.წ. მოსმენების კანონში ცვლილებები შესაძლოა შევიდეს, თუმცა კიდევ ერთხელ ვამბობ, ამ წუთას ეს პრობლემებიდან გაქცევაა. ჩვენ რაც ახლა გვინდა, ეს არის ამ ხალხის პოვნა და დასჯა. დანარჩენი არის ლაპარაკი. რა უნდა მათ პოვნას ვინც ამას აკეთებდა? მთელი სისტემა იყო. ამას ერთი და ორი კაცი ხომ არ აკეთებდა შინაგან საქმეთა სამინისტროში?! ათასობით ადამიანი ემსახურებოდა. არავინ არ დასჯილა. ალბათ ყველას უთხრეს - რა კარგი ბიჭები ხართ, ახლა ჩვენ გაგვიკეთეთ. არ ვიცი რა ხდება, ამიტომ ეს უნდა იქნას გამოკვლეული და უმკაცრესად დასჯილი. კარგია, რომ პრემიერის პოზიციაც ასეთია. ახლა ვნახოთ რამდენად შევძლებთ ამის გაკეთებას", - აღნიშნა ლევან ბერძენიშვილმა.
დეპუტატი, მილიონი ლარის ჯილდოს დაწესების თაობაზე პარლამენტის თავმჯდომარის ინიციატივასაც შეეხო და აღნიშნა, რომ თანახმაა აღნიშნული თანხის მობილიზებაში მონაწილეობა მიიღოს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
