"მაესტროს" სახელით მაუწყებლობას ახალი ტელეკომპანია დაიწყებს
"მაესტროს" სახელით მაუწყებლობას რამდენიმე დღეში ახალი ტელევიზია დაიწყებს. როგორც ტელეკომპანია "მაესტროს" ერთ-ერთმა დამფუძნებელმა ილია კიკაბიძემ დღეს გამართულ პრესკონფერენციაზე განაცხადა, მას უკვე ჰქონდა გარკვეული კონსულტაციები მაკა ასათიანთან და შეთანხმდნენ შენობასთან და ყველა იმ აღჭურვილობასთან დაკავშირებით, რაც საჭიროა მაუწყებლობისთვის.
"ბოლოს დროს მიდის ესეთი ნარატივი, თითქოს ლევან გაჩეჩილაძე დაინიშნა ტელეკომპანია "მაესტროს" დირექტორად. ლევან გაჩეჩილაძე დაინიშნა შპს-ს დირექტორად და არა ტელეკომპანიის დერექტორად.
სწორედ ბოლოდროინდელი მოვლენები გახდა კიდევ ერთხელ საფუძველი იმისა, რომ უახლოეს დღეებში მე დავიწყო "მაესტროს" სახელით მაუწყებლობა. მე მქონდა კონსულტაციები ქალბატონ მაკა ასათიანთან. ჩვენ პრინციპში შევთანხმდით შენობასთან და ყველა იმ აღჭურვილობასთან დაკავშირებით, რაც საჭიროა მაუწყებლობისთვის.
ასევე მქონდა მოლაპარაკებები იმ სახელის თანაავტორებთან და ჩემს მეგობრებთან ეკა აკობიასთან და მამუკა ღლონტთან და რამდენიმე დღეში მე, როგორც შპს "ტელეკომპანია მაესტროს" დირექტორი დავიწყებ ამ სახელით მაუწყებლობას.
მინდა მივმართო იმ ადამიანებს, ვინც ტელეკომპანია "მაესტროში" მუშაობდა. მე აუცილებლად შევხვდები ყველა მათგანს და შევთავაზებ მათი პროფესიის და გამოცდილების მიხედვით ჩემთან თანამშრომლობას. ასევე მინდა მივმართო მამუკა ღლონტს და ვთხოვო მონაწილეობა მიიღოს კონსულტაციის მხრივ "მაესტროს" მართვაში", - განაცხადა ილია კიკაბიძემ.
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
უკრაინის პროკურატურამ მიხეილ სააკაშვილის მიმართვაზე საქმე აღძრა
