მნიშვნელოვანი ინფორმაცია
23
ივლისიდღის ზოგადი ასტროლოგიური პროგნოზი
ოთხშაბათი, მთვარის ოცდამერვე დღე დაიწყება 02:27-ზე, მთვარე კირჩხიბშია – საკუთარ თავში ჩაიხედეთ. შეგიძლიათ დაიწყოთ ნებისმიერი საქმე. განსაკუთრებით მიწისა და უძრავი ქონების შესაძენად. აკეთეთ ბიზნესი და იმუშავეთ. დაიწყეთ ახალი საქმეები. მოაგვარეთ ფინანსური საკითხები. გააფორმეთ მნიშვნელოვანი დოკუმენტები, ხელშეკრულებები და კონტრაქტები. შეინარჩუნეთ სიმშვიდე და კეთილგანწყობა ყველა საკითხში. საიდუმლოდ შეინახეთ თქვენი წარმატებები და მიღწევები. უხვად მიირთვით მწვანილი. კარგია თხილი, არ დაგავიწყდეთ წვენების დალევა, ხილისა და ბოსტნეულის ჭამა. უმჯობესია რაციონიდან გამორიცხოთ მარცვლეული და ცხოველური საკვები. თვალები და ტვინი აქტიურია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"არა გაზპრომს" - როგორ ჩატარდა ცოცხალი ჯაჭვის აქცია თბილისში
07:18 / 06-03-2016
"არა გაზპრომს" - ამ ლოზუნგით თბილისში რამდენიმე ადგილას ცოცხალი ჯაჭვის აქცია გაიმართა. რუსეთის ფედერაციის საელჩოს ყოფილ შენობასთან აქტივისტების ორგანიზებას თავად "ნაციონალური მოძრაობის" ლიდერები ახორციელებდნენ. ე.წ. ცოცხალ ჯაჭვში მდგომ მოქალაქეებს მიტანილი ჰქონდათ ბანერები და ლურჯი ბუშტები, წარწერით "არა, გაზპრომს".
აქციის მონაწილეებმა განცხადებით, ისინი შეაგროვებენ პეტიციაზე ხელმოწერებს, რის შემდეგაც ხელმოწერილ პეტიციას მთავრობის ადმინისტაციაში ჩააბარებენ. პეტიციის მთავარი მოთხოვნა, ისევე, როგორც დღევანდელი საპროტესტო აქციის, არის "არა გაზპრომს".
ცოცხალი ჭაჯვის აქცია გაიმართა მთავრობის ადმინისტრაციის შენობასთანაც. კანცელარიასთან შეიკრიბნენ "ნაციონალური მოძრაობის" ლიდერები, "თავისუფალი ზონის" წევრები და ის მოქალაქეები, ვინც "გაზპრომთან" მოლაპარაკებებს აპროტესტებს. მათ მიტანილი ჰქონდათ პლაკატები, წარწერით: "წადი "გაზპრომ", "არა "გაზპრომს", "წაГазпромდი!" და სხვ.
როგორც ჟურნალისტებს "ნაციონალური მოძრაობის" ერთ-ერთმა ლიდერმა, გიორგი ვაშაძემ განუცხადა, დღევანდელი აქციის მიზანია, საქართველოს არც ერთი ხელისუფლება და არც ერთი მთავრობა არ შეეცადოს საქართველოს რუსულ გაზზე გადართვას. "მე ჩემს შვილთან ერთად მოვედი ამ აქციაზე. "არა გაზპრომს" იმიტომ, რომ "გაზპრომი" არის ტოტალიტარული რუსეთის ყველაზე მძლავრი იარაღი სხვა ქვეყნებზე ზეგავლენის მოხდენისთვის. მთელი ევროკავშირი და ცივილიზებული სამყარო ცდილობს დაშორდეს ამ კომპანიას და სამარცხვინოა, რომ ქართული ხელისუფლება მათთან რაიმე ტიპის მოლაპარაკებებს აწარმოებს. პირველი გამარჯვება მიღწეულია, რომ აზერბაიჯანთან გაგრძელებულია შეთანხმება, თუმცა ვიკრიბებით იმიტომ, რომ საქართველოში არც ერთ ხელისუფლებას, არც ერთ მთავრობას არ მოუნდეს საქართველოს რუსულ გაზზე გადართვა", - განაცხადა გიორგი ვაშაძემ.
ცოცხალ ჯაჭვს შეუერთდნენ საზოგადოებისთვის ცნობილი სახეები, მომღერლები მსახიობები: "ცუდია ამის ახსნა რომ გვიწევს მას შემდეგ რაც გამოვიარეთ, თუნდაც მაშინ როდესაც გაზს გვითიშავდნენ. ეს არის პოლიტიკური ინსტრუმენტი, ეს არ არის მხოლოდ კომპანია" - განაცხადა ჟურნალისტებთან საუბრისას აჩიკო გულედანმა.
გიორგი უშიკიშვილის თქმით: "მე ძალიან კარგად მახსოვს ის პერიოდი, ჩაბნელებული, სიცივეში მყოფი ადამიანები, ქუჩაში ცეცხლმოკიდებული საბურავები. მე არ მინდა ჩემმა შვილმაც ნახოს იგივე, რაც მე ძალიან კარგად მახსოვს".
"ყველა ხვდება იმას, რომ გაზპრომის შემოსვლა საქართველოში ნიშნავს, რუსეთმა მართოს პოლიტიკური სიტუაცია საქართველოში და საბოლოოდ ჩამოგვაშორონ დასავლურ ორბიტას. ამიტომ ყველა ერთად უნდა შევიკრათ და არა ვუთხრათ გაზპრომს" - აღნიშნა საუბრისას ია ფარულავამ.
"ხან გაზი გვაკლია, ხან გვაქვს, ხან მოეწერა ხელი რაღაც ხელშეკრულებას, ხან არ მოეწერა. აქედან გამომდინარე, ნდობა არ შეიძლება. როგორც არ შეიძლება ენდო გაზპრომს, ჩემის აზრით ამ ეტაპზე ისევე არ შეიძლება ენდო კალაძის განცხადებებს" - გია ჭანტურია.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ამალ კლუნი ჯორჯ კლუნთან ოჯახური ცხოვრების საიდუმლოზე საუბრებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
