შინაგან საქმეთა სამინისტროს გასპარ ნოეს ფილმთან დაკავშირებით მიღებული გადაწყვეტილების გამო საზოგადოების ნაწილი მწვავედ აკრიტიკებს. უწყებამ ჩათვალა, რომ ფრანგი კინორეჟისორის გასპარ ნოეს ფილმი LOVE (სიყვარული) პორნოგრაფიას მიეკუთვნება. შესაბამისად, ფილმის გავრცელებაზე გამოძიება უკვე დაწყებულია. გიორგი მღებრიშვილის უწყების გადაწყვეტილებას "სიბრიყვეს" უწოდებენ და არასამთავრობო ორგანიზაციებს მოუწოდებენ შესაბამისად იმოქმედონ.
ნიკა გვარამია, "რუსთავი 2"-ის გენდირექტორი: აი ფსკერიც გამოჩნდა ამასობაში. ცენზურას დავუბრუნდით და მალე აკრძალული წიგნების ინდექსიც გვექნებ. ტაში, ამხანაგებო!
ნიკა რურუა, კულტურის ყოფილი მინისტრი: ჩემს არყოფნაში აქ გასპარ ნოეს ფილმი მიუცენზურებიათ. რა სიბრიყვეა.
თავისუფალ ქვეყანაში თუ ნაწარმოებს ოდნავი მხატვრული ღირებულება მაინც გააჩნია, ის უხამსობად არ მიიჩნევა და არ/ვერ იკრძალება. სხვაა, რომ შესაძლებელია ნაწარმოებისთვის რეიტინგის მინიჭება (მაგ. ღ - ღესტრიცტედ) რომ ის გარკვეული აუდიტორიისთვის - ბავშვებისთვის- შეზღუდული იყოს. აკრძალვა კი შეიძლება მხოლოდ იმისი, რაც აშკარად არღვევს კანონს.
რახან ჩვენში პორნოგრაფია აკრძალულია კანონით, სახელმწიფომ უნდა დაამტკიცოს, რომ ეს კონკრეტული ფილმი პორნოგრაფიაა. და მხოლოდ ამის შემდეგ აკრძალოს იგი. მტკიცებულების ტვირთი მასზეა, და არა კინოთეატრზე, ტელეარხზე, გამქირავებელზე, ავტორზე და ა.შ.
ის არასამთავრობოები, ვინც სიტყვის თავისუფლებაზე მუშაობენ, ამაზე უკეთეს შემთხვევას ვერ იპოვიან, როდესაც სიტყვას დაიცავენ და აკრძალვას გააუქმებებინებენ ამ ძალათ-მორალისტ ხელისუფლებას.
თამარ ჩერგოლეიშვილი, "ტაბულას" დირექტორი: თან ვიცინი, თან ვტირი!
ანა ნაცვლიშვილი, საია-ს თავმჯდომარე: რაფაელო - როცა სიტყვები არ არის საკმარისი
გოგი გვახარია: პორნოგრაფია ხართ თქვენ! თქვენი პარლამენტი და თქვენი ინტელიგენცია პირველ რიგში
რომან გოცირიძე: კანის და ბათუმის კინოფესტივალებზე ნაჩვენები გასპარ ნოეს ფილმი "სიყვარული" აუკრძალავს ჩვენს სამართალდამცავებს და ითხოვენ მის ამოღებას ინტერნეტსაიტებიდან.
მოვითხოვ, რომ დადგა დრო, აიკრძალოს გიორგი შენგელაიას უზნეო ფილმი "სიყვარული ვენახში" ია ფარულავას მონაწილეობით. იგი აკნინებს მევენახეობა-მეღვინეობის დარგის მუშაკებს, ვნებს ქართული "წაბილწული" ღვინის იმიჯს საერთაშორისო ბაზარზე და რაც ყველაზე მნიშვნელოვანია, შეურცხყოფას აყენებს ყველა ჭეშმარიტად მორწმუნე მართმადიდებლის რელიგიურ გრძნობებს, რამე თუ( პ.ს. აქ ასე უხდება) ვაზის ჯვარი არის წმინდა ნინოს სიმბოლო და ვაზის გვერდით განხორციელებული ნებისმიერი ამორალური აქტი შეიძლება შეფასდეს როგორც რელიგიურად მოტივირებული ხულიგნობა.
ვითხოვ შეიქმნას ფილმის ობიექტურად შემფასებელი კომისია გოგი გვახარიას, ნინია კაკაბაძის და ზურაბ ტყემალაძის შემადგენლობით, რათა დროზე დაიდოს საჭირო დასკვნა აღნიშნული "ფილმის" აკრძალვის შესახებ:)