მოსიარულე ზომბი, სერიალიდან The Walking Dead, თბილისში ჩამოვიდა. აეროპორტში მას ქართველი თაყვანისმცემლები დახვდნენ. მათ წინაშე მსახიობი საკუთარი პერსონაჟის ამპლუაში წარსდგა.
ერთ-ერთი პოპულარული სერიალის პერსონაჟი თბილისში ტელეკომპანია FOX-ისა და კავკასუს ონლაინის სპეციალური მოწვევით ჩამოვიდა.
ის დედაქალაქში სამი დღის განმავლობაში გაჩერდება. ვიზიტის ფარგლებში მსახიობი თბილისის ღირსშესანიშნაობებს დაათვალიერებს, 5 მარტს კი გუდაურს ეწვევა.
მანამდე "ფეისბუქზე" გავრცელდა ფოტო, სადაც მსახიობი ძველ თბილისში, ქართლის დედის ქანდაკების ფონზეა გადაღებული.
ასევე სოციალურ ქსელში ვრცელდება ვიდეო, რომელზეც ჩანს, რომ The Walking Dead-ის მსახიობი "კორკოტასთან" ერთად ქეიფობს.
