მნიშვნელოვანი ინფორმაცია
15
ივნისიდღის ზოგადი ასტროლოგიური პროგნოზი
კვირა, მთვარის მეცხრამეტე დღე დაიწყება 01:02-ზე – ფრთხილად იყავით სიტყვებთან და ქმედებებთან, იოლია კონფლიქტური სიტუაციის პროვოცირება. დღე მშვიდად გაატარე, მაგრამ არა მარტოობაში. ყურადღებით შეამოწმეთ ყველა ინფორმაცია. სერიოზული საქმეები გადადე. გაასუფთავეთ თქვენი სამუშაო ადგილი არასაჭირო ნივთებისგან. არ არის რეკომენდებული ხელშეკრულებების გაფორმება, ახალ სამსახურში გადასვლა. დაუფიქრებლად მოქმედება, მთვრალ ადამიანებთან ურთიერთობა, უცნობ ადამიანებთან კონტაქტი. მიიღეთ მარტივი საკვები და დაიცავით დიეტა. ორგანიზმის გადატვირთვამ შეიძლება გამოიწვიოს უსიამოვნო შედეგები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"დღეს ყველამ ერთად უნდა დავყაროთ შაქარი!" - რატომ მოუწოდებს გია ნიკოლაძე ხალხს "დედამიწის დატკბობისკენ"
07:02 / 29-02-2016
ჯგუფ "ნიკოლშოუს" სოლისტი გია ნიკოლაძე ბოლო ორი თვეა "ფეისბუქის" მეგობრებს უჩვეულო კამპანიაში ჩართვისკენ მოუწოდებს.
"29 თებერვალი ახლოვდება! ეს დღე 4 წელიწადში ერთხელ არის! თუ გინდა გიჟი გეგონო, მაგრამ ამ დღეს ყველამ ერთად უნდა დავყაროთ შაქარი! ან მიწაზე, ან ფანჯრიდან გადავყაროთ, ან პირსაბანში ჩავყაროთ, ან ხეებს დაუყაროთ ან სადაც გინდა იქ, ოღონდ გაიმეტე და გაეცი შაქარი ან თაფლი და რა თქმა უნდა თითო ტკბილი სიტყვაც შევაწიოთ ერთმანეთს და აი ნახე რეები მოხდეს! 29 თებერვლიდან 2 კვირა ან 3 თვე დაველოდოთ და ვნახოთ რაც მოხდება! თუ მსოფლიოში ფულს დაერხევა ე.ი ეშმასაც ერხევა! ზოგი დამთხვევას დაარქმევს, მაგრამ მაშინ ესე მოხდა და აბა ეხლა ვცადოთ თუ კიდე განმეორდა ე.ი მოქმედებს და შეიძლება საბოლოოდ გავრეკო!
2008-შიც ვცადე გრძნეული ვანგას დანაბარები შაქარი დავყარეთ და მსოფლიო კრიზისი დაიწყო! საქართველო გრაალი ხომ არ არის?! როგორც დავინჩის კოდში ამბობენ, გრაალი ჩაღრმავებული ადგილია, რომლის მისადგომებთან თასი ხმალით მოდარაჯე დგას რევოლუციური ვარდების მიღმა! საიდანაც ეგეთი რამეები იმართება და ეშმა უძლური რომ იყოს მატერიალური ქიმიის წინაშე ანუ შაქარი რომ ატკბობდეს მწარეს!" - წერს "ფეისბუქზე" მუსიკოსი.
უჩვეულო წამოწყებაში უკეთ გასარკვევად გია ნიკოლაძეს დავუკავშირდით: "შეიძლება ვიღაცამ თქვას, ვერ არისო, მე ამ ყველაფერს ასე ავხსნი: "ბატონები" რომ ხვდება ადამიანს, ხომ უნდა მოიხადოს, იმას ხომ წინ არაფერი უდგას?! ეს ყველაფერიც ასეა და ასე უნდა შევხედოთ: დედამიწა ავად არის, ჩვენ კიდევ ავადმყოფში ვეძებთ რაღაც სიკეთეს. დაფიქრებულა ოდესმე ვინმე ამაზე?! არადა, ასეა, გავიხედ-გამოვიხედოთ და ვნახავთ, რომ მსოფლიოში ნამდვილი ჯოჯოხეთია. ცუდისკენ მივდივართ. ვინც იმას ამბობს, რომ ყველაფერი კარგად არის, იტყუება, რადგანაც დღეს ბავშვი რომ იბადება, დედიდან თანდაყოლილი ფსიქოლოგიური სტრესი დაჰყვება. ის, ვინც გვატყუებს, რომ ყველაფერი კარგად არის, მას ეს აწყობს, რადგანაც ტრაგედიებიდან გამოსხივებული ენერგიით არსებობს და საზრდოობს...
დედამიწის ავადმყოფობაც ჩვენი ბრალია, უფრო მეტიც, ღერძიდან ჩვენ გადავხარეთ. ჩემს პოემაში ვწერ, რომ დედამიწას აქვს სამი ჭა, საიდანაც სამი ნათება ამოდის. დედამიწის გულიდან, ანუ ბირთვიდან სწორედ ის ნათება ამოდის, სამყაროს სამოთხედ რომ აქცევს. ადამიანს მაგ დროს გონება ეხსნება (ახლა კაცობრიობის გონების მხოლოდ 7 პროცენტია გახსნილი). როდესაც ღერძი არ არის გადახრილი, მაშინ ის დანარჩენიც (93 %) ეხსნება.
- როგორ ჩაღრმავებიხარ ამ ყველაფერს...
- კი, ჩემს პოემაში ვწერ, რომ დედამიწას ის "ჭები დაუპლომბეს" და ღერძიდან ამიტომაც გადაიხარა. გაწყდა კავშირი, კეთილმყოფელი სხივები აღარ ამოდის. დაავადდა და ამიტომაც ხდება ამდენი კატასტროფა, საშინელი ამბები.
- 29 თებერვალს მიწაზე შაქრის დაყრისკენ რატომ მოუწოდებ ადამაიენს და რას უშველის ეს სამყაროს?
- გგონია, ვიცი? არ ვიცი, მაგისკენ რაღაც ძალა მიბიძგებს, რომ ვთქვა, აქეთ-იქით დამატარებს. მოკლედ, ეს ინფორმაცია ჩემთან ასე მოვიდა, ერთ-ერთი ფოსტალიონი ვარ, რაღაც ძალის საცეცე, ამას ახლა და ახლა მივხვი, ისე, ყველანი ეგრე ვართ, უბრალოდ, რაღაცებს არ ვაკვირდებით, მაგრამ რომ გითხრათ, 29 თებერვალი კონკრეტულად საიდან "გაიჩითა", არ ვიცი.
ადრე ვანგაზე დოკუმენტური ფილმი მქონდა ნანახი, გზაზე, სადაც დიდი ტრაგედიები, ავარიები ხდებოდა, ადამიანები, ახალგაზრდები, ახალდაქორწინებულები იღუპებოდნენ, შაქარს ყრიდნენ და ამან უშველა. არ ვიცი, როგორ, მაგრამ იმოქმედა.ამიტომ, ვიფიქრე, ჩვენც დავყაროთ შაქარი ამ ჩვენს მიწაზე-მეთქი. თუმცა ამ 29-საც თავის ახსნა აქვს: ეს დღე მომდევნო ოთხი წლის ათვლის წერტილია და მისი დატკობობაც ამიტომ არის საჭირო. თან, კარგი იქნება, თუ ამას მასობრივად გავაკეთებთ, ანუ ყველანი ერთად და აქედან შევძლებთ, მსოფლიოს, თუნდაც, კავკასიას გადავწვდეთ, მაგალითად, ჩვენს ძმებს სომხებს, აზერებაიჯანელებს, - მოდი, გამოვიდეთ და ყველამ ერთად დავყაროთ მიწაზე შაქარი.
- ეგ როგორ?
- ჩემი პოემიდან გიპასუხებ: "პლანეტა ერთი ველია, ორაზროვანი გაგებით,/ თავისი ბიოველით და ედემბაღებით,/ ერთს თუ მოსწყვიტავ იასა,/ აწამებ სისხლის აღებით,/ ორივეს გადაეცემა წერტილოვანი ტალღებით". მეცნიერებმა მომწერეს, სწორი ხარაო... დამიჯერეთ, ამდენი ცრემლისგან მარილიანია სამყარო, დედამიწა და შაქარი აკლია. ვიღაცები კი როგორც ვთქვი, ტრაგედიებიდან გამოშვებული ენერგიებით სუნთქავენ. ამიტომ სხვა ძალა და ენერგია აქვს იმას, მიწაზე ერთად და ერთ დღეს დაყრილ შაქარს...
ლალი ფაცია
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისრაელმა ირანზე მასშტაბური დარტყმები განახორციელა: განადგურებულია ბირთვულ იარაღი, დაიღუპნენ სამხედრო მეთაურები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
