მნიშვნელოვანი ინფორმაცია
19
ივნისიდღის ზოგადი ასტროლოგიური პროგნოზი
ხუთშაბათი, მთვარის ოცდამესამე დღე დაიწყება 01:35-ზე, მთვარე ვერძში გადავა 03:07-ზე –
მოერიდეთ აჩქარებას და გაღიზიანებას. არ არის რეკომენდებული მოლაპარაკებების წარმოება. აზრებისა და იდეების სხვებისთვის გაზიარება. დღეს გაწყვეტილი კავშირები არასოდეს აღდგება და ადამიანები ძალიან სწრაფად ივიწყებენ ერთმანეთს. უარი თქვით ხორცზე, ყავასა და ალკოჰოლზე. ჭარბმა კვებამ შესაძლოა კუჭ-ნაწლავის დაავადებები გამოიწვიოს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ლისის ტბა, კუს ტბა და თბილისის ზღვა - საინტერესო მონაცემები დედაქალაქის წყალსაცავების შესახებ, რომელიც ბევრმა არ იცის
03:11 / 29-04-2017
საქართველოში არსებული 44 წყალსაცავიდან რამდენიმე თბილისშია, მათ შორის, თბილისის ზღვა, ლისის ტბა და კუს ტბა. თითოეულს თავისი დანიშნულება და ფუნქცია აქვს, თუმცა მათ ერთი რამ აერთიანებთ, - თბილისელების საყვარელი დასასვენებელი ადგილებია.
თბილისის ზღვა
თბილისის ზღვა (სამგორის წყალსაცავი), რომელიც აგრეთვე აღმოსავლეთ საქართველოს წყალსაცავიც გახლავთ, ივრის ზეგანზე, თბილისის ჩრდილო-აღმოსავლეთით მდებარეობს. თავის დროზე მლაშე ტბების - ავლაბრის, ილგუნიანისა და კუკიის ადგილას შეიქმნა. ამ სტატუსით ფუნქციონირება 1953 წლიდან დაიწყო. ამ პროექტის ინიციატორი და მხარდამჭერი მაშინდელი ცენტრალური კომიტეტის მდივანი კანდიდ ჩარკვიანი იყო.
წყალსაცავი ჩრდილოეთ-დასავლეთ ნაწილში განიერია, სამხრეთ-აღმოსავლეთისკენ - ვიწრო. რიცხვებში ის ასე გამოიყურება - სიგრძე - 8,75 კმ-ია, უდიდესი სიგანე 1,85 კმ. საერთო ფართობი - 11,6 კმ2. წყლის მოცულობა 308 მლნ. მ³. წყალსაცავის უდიდესი სიღრმე - 45 მ. საშუალო სიღრმე 26,6 მ.
წყლის დონე გაზაფხულზე მატულობს, ზაფხულსა და შემოდგომაზე კი, სარწყავად წყლის ინტენსიური გამოყენების გამო, 7-10 მ-ით იკლებს.
ზამთარში ყინულსაფარი წყალსაცავზე არ ჩნდება, ხშირი ქარის გამო ღელავს. საზრდოობს მდინარე ივრის წყლით, რომელიც მასში სამგორის სარწყავი სისტემის ზემო მაგისტრალური არხით ჩადის. თბილისის წყალსაცავის წყალს იყენებენ სარწყავად, თბილისის წყალმომარაგებისთვის, თევზის სარეწად, საწყლოსნო სპორტისთვის. წყალსაცავიდან წყალი გადის სამგორის სარწყავი სისტემის ქვემო მაგისტრალური არხითა და ღრმაღელის მაგისტრალური არხით.
ლისის ტბა
ლისის ტბა თბილისის ქვაბულში, ქალაქის ჩრდილო-დასავლეთით არის გაშენებული. ზედაპირის ფართობი 0,47 კმ-ია, აუზის ფართობი - 16 კმ, მაქსიმალური სიღრმე - 4 მ, მოცულობა - 1,22 მლნ. მ. საზრდოობს წვიმის, თოვლისა და მიწისქვეშა წყლით. წყლის მაღალი დონე აქვს გაზაფხულზე, დაბალი - შემოდგომაზე. ზაფხულში წყალი თბილია, მაქსიმალური ტემპერატურა - 28 °C. ზამთრობით ტბაზე ყინულსაფარი ჩნდება. წყალი მომლაშოა. ტბაში მოშენებულია თევზი. ლისის ტბა საწყლოსნო სპორტისა და თევზაობის მოყვარულთა, ასევე თბილისელთა დასასვენებელი ადგილია.
კუს ტბა
კუს ტბა, იგივე ქორქის ტბა, მთაწმინდის ქედის ჩრდილოეთ კალთაზეა განლაგებული. ზღვის დონიდან 686,7 მ-ზე მდებარეობს. ზედაპირის ფართობი 0,034 კმ2, აუზის ფართობი - 0,4 კმ2, უდიდესი სიღრმე - 2,6 მ, საშუალო სიღრმე 1,7 მ. თავად ტბის სიგრძე - 180 მ-ია, სიგანე - 50 მ. მოთავსებულია მცირე ტაფობში. წარმოქმნილია ძირითადად ქანების მეწყრული დაცოცების შედეგად.
ტბა იკვებება ვარაზისხევის წყლით, ამასთან, წვიმისა და მიწისქვეშა წყლებით. თევზით ღარიბია. ის თბილისელებისთვის საყვარელი დასასვენებელი ადგილია.
კუს ტბა და მისი მიდამოები კეთილმოწყობილია. ტბაზე მიყვანილია ბაგირგზა. თრიალეთის ქედზე მდებარე ეს ადგილი დიდი ხანია თბილისელთა თავშეყრისა და გართობის ერთ-ერთ საყვარელ ადგილად იქცა. პატარა ბუნებრივი ტბა თავის დროზე მიწისქვეშა შენაკადებმა წარმოშვა. ზაფხულის დადგომასთან ერთად, კუს ტბაზე საბანაო სეზონი იხსნება.
P.S. კარგი იქნება თუ ამ ადგილებში მეტი წესრიგი, სისუფთავე გამეფდება, ნაგავში არ ჩაიძირება იქაურობა და ანტისანიტარიის ბუდეებად არ გადაიქცევა, რაზეც პასუხისმგებლობა როგორც ქალაქის ხელმძრვანელობამ, ასევე თბილისელებმა საკუთარ თავზე უნდა აიღონ.
ლალი ფაცია
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მიზეზით იბარებენ ხელმეორედ საგამოძიებო კომისიაზე ოპოზიციონერ პოლიტიკოსებს და როგორია მხარეთა პოზიციები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
