მნიშვნელოვანი ინფორმაცია
12
ივლისიდღის ზოგადი ასტროლოგიური პროგნოზი
შაბათი, მთვარის მეთვრამეტე დღე დაიწყება 23:22-ზე, მთვარე მერწყულშია – იმუშავეთ მშვიდად და საფუძვლიანად. მოაგვარეთ მარტივი ფინანსური საკითხები. გადადეთ მნიშვნელოვანი საქმეები. იყავით ყურადღებიანი იმის მიმართ, რაც ხდება და მოუსმინეთ რას გეუბნებათ ხალხი. იყავით ფხიზლად და მოერიდეთ კონფლიქტს. გამოიჩინეთ მოქნილობა და ორიგინალურობა ადამიანებთან ურთიერთობისას. სამსახურში გამოავლინეთ თქვენი საუკეთესო მხარე. ზედმეტი აქტიურობა შედეგს არ მოიტანს. არ აიღოთ ზედმეტი სამუშაო და რთული პროექტები. ხორცზე უარის თქმა ჯობია. გამოიყენეთ მცენარეული ზეთი. ალკოჰოლური სასმელები უნდა გამოირიცხოს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"გამოვრიცხავ მისი მეუღლის ბრალეულობას" - რას ყვებიან ფონიჭალაში მოკლული ქალისა და ბავშვის ნათესავები
07:09 / 23-02-2016
ფონიჭალაში მოკლული ნინა რომანაძისა და მისი 3 წლის გოგონას ნათესავები გამორიცხავენ, რომ დედა-შვილის მკვლელობაში მეუღლეს, ოთარ მამფორიას რაიმე ბრალეულობა მიუძღოდეს.
როგორც "ინტერპრესნიუსს" რომანაძის ბიძაშვილმა, ჯუბა ბერაძემ განუცხადა, ცოლ-ქმარს ძალიან კარგი ურთიერთობა ჰქონდა.
"გარდაცვალების არანაირი ვერსია არ გვაქვს. ვიდრე ჩემი ნათესავი არ ჩამოვა, რომელიც თბილისშია წასული, ვერაფერს გეტყვით. მხოლოდ ის ინფორმაცია გვაქვს, რაც მედიიდან გავიგეთ", - განაცხადა ბერაძემ.
კითხვაზე, როგორი ურთიერთობა ჰქონდა გარდაცვლილს მეუღლესთან, ბერაძემ აღნიშნა, რომ "ძალიან კარგი".
"ძალიან კარგი ურთიერთობა ჰქონდათ. მეუღლე სამსახურში იყო იმ დილით, 09:00 საათზე გავიდა ჩვეულებრივ. როგორც ნათესავი კი არა, როგორც ძმა, ვაცხადებ, რომ გამოვრიცხავ მისი მეუღლის ბრალეულობას. ნინა ჩემთან ერთად იზრდებოდა. დედ-მამა ადრეულ ასაკში დაშორდა ერთმანეთს და პატარა ბავშვი ერთი წლიდან ჩემთან იზრდებოდა. ის დასავით მყავდა და სიძეც ასევე ძალიან ახლობელია, ამიტომ მის ბრალეულობას გამოვრიცხავ", - განაცხადა ჯუბა ბერაძემ.
მისივე თქმით, გარდაცვლილ დედა-შვილს 27 თებერვალს, ქობულეთში დაკრძალავენ.
როგორც ცნობილია, ფონიჭალაში, ერთ-ერთ საცხოვრებელ ბინაში დედა-შვილი მოკლული იპოვეს. გარდაცვლილები არიან 35 წლის ნინა რომანაძე და მისი 3 წლის გოგონა. ნინა რომანაძე საცხოვრებელი ბინის მისაღებ ოთახში იპოვეს, ხოლო 3 წლის გოგონა საძინებელში დამწვარი ნახეს. 35 წლის ქალს ცივი იარაღით ყელის არეში ჭრილობები აქვს მიყენებული.
მეზობლების ინფორმაციით, მათ ცხედრები დაახლოებით 13:00 საათზე მას შემდეგ აღმოაჩინეს, რაც ბინიდან გამოსული კვამლი შენიშნეს.
შსს-ს ცნობით, მომხდარზე გამოძიება სისხლის სამართლის კოდექსის 109-ე მუხლით მიმდინარეობს, რაც დამამძიმებელ გარემოებებში განზრახ მკვლელობას გულისხმობს.
იხილეთ ასევე: "მითხრეს, თქვენ ხო არ მოკალითო?!" - ფონიჭალაში მოკლული ქალის მეუღლე დაკითხვის დეტალებს ყვება
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საბავშვო ბაღში გარდაცვლილი 2 წლის დაჩის დედის პირველი კომენტარი - "ჩემზეც ბევრი ბრალდებები წამოვიდა"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
