პარტნიორები:

კახა კალაძე რუსულმა GQ-მ ყველაზე გემოვნებიან მამაკაცთა ათეულში შეიყვანა

02:57 / 22-02-2016

მამაკაცების პოპულარული ჟურნალის GQ-ს რუსულმა რედაქციამ გამოაქვეყნა სტატია სახელწოდებით "50 საუკეთესო სტილის მქონე უცხოელი მამაკაცი". სიაში მოხვედრის პრინციპი გემოვნებით ჩაცმულობა გახლდათ. მეექვსე ადგილზე საქართველოს ენერგეტიკის მინისტრი კახა კალაძე მოხვდა.

"სტილის ფუძემდებლები, პოპულარული და წარმატებული მამაკაცები სხვადასხვა პროფესიაში. ისინი, ვინც ბევრისთვის მაგალითის მიმცემნი არიან - ყველაზე მოდური უცხოელების სიაში ჩვენ მსოფლიოს საუკეთესო მამაკაცები შევიყვანეთ", - ვკითხულობთ სტატიაში. 50-ეულში არიან: ჯასტინ ტიმბერლეიკი, დევიდ ბეკჰემი, მაიკლ ჯორდანი, მაიკლ ფასბენდერი, რაიან გოსლინგი, პეპ გვარდიოლა, ასევე ქეით მიდლტონისა და პრინც უილიამის უფროსი ვაჟი - ჯორჯი.

რაც შეეხება ყოფილ ფეხბურთელსა და საქართველოს ენერგეტიკის მინისტრ კახა კალაძეს, მას GQ-ში ასე ახასიათებენ: "ადამიანი საინტერესო ცხოვრებით - წარსულში ფეხბურთელი, ამჟამად კი საქართველოს მთავრობის კაბინეტის წევრი სტილში იტალიურ ვექტორს ანიჭებს უპირატესობას: კოსტიუმებს ზოლებით და ნაქსოვ მატერიებს". აღსანიშნავია, რომ კალაძე ერთადერთია, რომლის ათამდე ფოტოა თანდართული სტატიაზე. დანარჩენი მოდის ფუძემდებელი მამაკაცები სტატიაში მხოლოდ თითო ფოტოთი არიან წარმოდგენილნი.

დაათვალიერეთ კალაძის სტილის ფოტოგალერეა

სიის პირველი ათეული კი ასე გამოიყურება:

10.ლეონარდო დიკაპრიო

9. ფარელ უილიამსი

8. დენიელ კრეიგი

7. ჯარედ ლეტო

6. კახა კალაძე

5. დევიდ ბექჰემი

4. ეისეპ როკი

3. ედი რედმეინი

2. კანიე უესტი

1. ბენედიქტ კამბერბაჩი