უჯარმასთან მომხდარი ავარიის დროს დაშავებული 2 ადამიანის მდგომარეობა მძიმეა
უჯარმასთან მომხდარი ავტოსაგზაო შემთხვევის შედეგად დაშავებული ორი ადამიანის ჯანმრთელობის მდგომარეობა ამ დრომდე მძიმეა. როგორც "ინტერპრესნიუსს" საგარეჯოს რაიონის ჯეო-ჰოსპიტალის ანესთეზიოლოგ-რეანიმატოლოგმა ალექსანდრე სართანიამ განუცხადა, ერთ-ერთი დაშავებული თბილისშია გადაყვანილი. რაც შეეხება მეორე დაშავებულს, ის საგარეჯოს კლინიკაში ნარკოზის ქვეშ, მართვითი სუნთქვის აპარატზეა მიერთებული.
"ერთ-ერთი დაშავებული თბილისშია გადაყვანილი. რაც შეეხება მეორე დაშავებულს, ის კვლავ საგარეჯოს რაიონის კლინიკაში, ნარკოზის ქვეშ არის მართვითი სუნთქვის აპარატზე. იქიდან გამომდინარე, რომ ღრმა პოლიტრავმა აქვს, მისი სიცოცხლის შანსები 50-50-ზეა", - განაცხადა ალექსანდრე სართანიამ.
უჯარმასთან გუშინ მომხდარ ავარიას 5 ადამიანი ემსხვერპლა. ავარიის შედეგად გარდაცვლილთა შორის ერთი 7 წლის ბავშვია. ერთმანეთს "ფორდის" მარკის მიკროავტობუსები შეეჯახნენ.
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
