8
ივნისიდღის ზოგადი ასტროლოგიური პროგნოზი
რთულია, უცხო ქვეყანაში სხვის შვილს მოუარო იმისთვის, რომ საკუთარი გამოკვებო. რთულია, წლების შემდეგ შეხვდე შვილს, რომლის ცხოვრებაში განვლილმა ბევრმა ბედნიერმა წუთმა შენს გარეშე ჩაიარა - ემიგრაციაში მყოფი ხალხის გასაჭირს მიეძღვნა "ნანუკა ჟორჟლიანის შოუს" დღევანდელი გადაცემა.
ლალი შიუკაშვილი ერთ-ერთია მათგან, ვინც შვილების კეთილდღეობის გამო მსხვერპლი გაიღო და 6 წელი მათგან მოშორებით, ამერიკის შეერთებულ შტატებში გაატარა. ოკეანის გაღმა წასვლა ლალიმ იმის გამო გადაწყვიტა, რომ შვილის სწავლისთვის ფული სჭირდებოდა. ბიჭმა თეატრალურზე ჩააბარა, თუმცა ემიგრაციაში მყოფმა დედამ სცენაზე მყოფი შვილისთვის აპლოდისმენტების დაკვრა მხოლოდ წლების შემდეგ შეძლო.
"მეუღლემ მითხრა, რომ შენ წადი და მე მივხედავ ბავშვებსო. ნიკა წინააღმდეგი იყო. ეს იყო ყველაზე მძიმე გადაწყვეტილება რაც მიმიღია. მე წავედი ძალიან მშვიდად, რადგან ვიცოდი რომ ჩემს შვილებს არაფერი გაუჭირდებოდათ. მათ მზრუნველი და მოსიყვარულე მამა ჰყავთ. ბედნიერი ვარ რადგან არ მქონია ის პრობლემა, რაც ემიგრაციაში მყოფი ქალების უმეტესობას აქვს.
"2009 წლის 15 აგვისტოს 100 დოლარით წავედი ამერიკაში. ყველაზე ცუდი განცდაა, როცა იცი, რომ იქ უნდა დარჩე და აღარ მოდიხარ. პირველ რიგში განგრევს ამ ქვეყნის მასშტაბი... ბლანტი და ნესტიანი ჰაერი. პირველი რეაქციის შემდეგ მოდის შემგრძნება, რომ შენ აღარ გაქვს სახელი, გვარი, წარსული... როდესაც იქ ჩავედი ენაც კი არ ვიცოდი. იქ მეგობრები დამხვდნენ, რამდენიმე დღე მიპატრონეს და დაიწყეს ჩემთვის სამსახურის ძებნა. ჩემი პირველი სამსახური იყო ასეთი - შემხვდა 89 წლის ქალი, რომელსაც ძვლის კიბო ჰქონდა. მისი შვილი დედისთვის განკუთვნილ წამლებს იპარავდა და სვამდა. ამ ქალს საშინელი ტკივილები ჰქონდა. ერთ დღეს მისმა შვილმა მითხრა, რომ დედისთვის ფეხები დამეზილა. როდესაც საქმეს მოვრჩი, დაღლილობისგან გათიშულმა ვიკითხე, სად უნდა დავწოლილიყავი. მან მითხრა , შენ დასაძინებლად არ მოსულხარ, შენ უნდა იმუშაოო, თუმცა თუ მაინც ძილი გინდა სარდაფში რაღაცას ვნახავო. ჩამიყვანა სარდაფში, მაჩვენა დაშლილი ყუთები და მითხრა, რომ საწოლი ამეწყო ამით. სარდაფში იყო სამი კატა და ორი ძაღლი. 4 საათის დაძინების უფლება მქონდა. იყო მომენტი, როცა თავის მოკვლა მინდოდა. მრცხვენოდა უკან დაბრუნება, პასუხისმგებლობა ავიღე და იმის აღიარება, რომ მე ეს ვერ შევძელი, ძალიან რთული იყო. ჩამოვკიდე თოკი და ვიფიქრე, დავეკიდებოდი და დამთავრდებოდა ყველაფერი... ამ დროს რეკავს ერთი ადამიანი, რომელიც დღეს ჩემთვის ძალიან ახლობელია, ეს არის ლალი მესხი. მისი დახმარებით მე სევძელი იმ ოჯხიდან წამოსვლა და ნიუ-იორკში წასვლა", - ამბობს ლალი შიუკაშვილი, რომელიც ემიგრაციიდან 6 წლის შემდეგ დაბრუნდა.
სამშობლოში დაბრუნებულმა კი ვაჟიშვილს, რომელიც მსახიობია, სიურპრიზი მოუწყო და სპექტაკლზე მიაკითხა. მათ საოცრად ამაღელვებელი შეხვედრა ჰქონდათ.
იხილეთ ვიდეო
