მილიონერი ბოშების ქალაქი - მათი მდიდრული სახლები გაგაოცებთ!

ბოშების ხსენებაზე ბევრ თქვენგანს ქუჩებსა და მეტროებში მომრავლებული მოწყალების მთხოვნელი ბოშა ბავშვები, თუთიყუშებითა და ბანქოთი მკითხავი ქალები ან "მოპარული დუხებით" მოვაჭრე ადამიანები გაახსენდება. საქართველოში მცხოვრები ბოშები ბოშათა დიდი არმიის მცირე ნაწილნი არიან. ეს არმია მთელი მსოფლიოს სხვადასხვა ქალაქში ბინადრობს და ძირითადად, რასაკვირველია, მოხეტიალე ცხოვრებას ეწევა. თუმცა მათ მშობლიურ რუმინეთში ბოშებს მთელი ქალაქი აქვთ, თანაც, ჩვეულებრივი კი არა, სიმდიდრით გამორჩეული ქალაქი, სადაც მილიონერი ბოშები ცხოვრობენ.

დიახ, მილიონერი ბოშები, რომლებიც ბუზესკუს ბინადრები არიან. ეს ქალაქი ბუქარესტთან ახლოს მდებარეობს და მნახველს აოცებს. ქუჩების გასწვრივ ნამდვილი სასახლეებია ჩამწკრივებული, ოღონდაც, უცნაური სასახლეები, ისეთები, რომლებსაც სხვაგან ვერ ნახავთ, რომლების ღირებულება 2-დან 30 მლნ დოლარამდეა და რომლებშიც ნამდვილი ბოშები ცხოვრობენ.

თითოეულ სახლთან აუცილებლად ძვირად ღირებული მანქანები დგას, სახლის პატრონების უმრავლესობა კი ან ჩვეულებრივი ბოშასავით არის გამოწყობილი, ან სრულიად ოქროშია ჩაფლული - ტანსაცმლიან-სამკაულებიან-კბილებიანად. განსაკუთრებით, თუ რაიმე ტიტული აქვს და მით უმეტეს, თუ ამ ქალაქის "მეფეა".

რუმინელ ბოშათა "მეფის" ფლორიან ჩიოაბას (ტიტული მამისგან ერგო) წლიური შემოსავალი 50-80 მლნ ევროა. მის კლანში 300-მდე ოჯახი შედის, თითო ოჯახს მინიმუმ 3 მილიონი დოლარის ღირებულების სახლი აქვს. "მეფის" და მისი კლანის საერთო წლიური შემოსავალი 300-400 მლნ ევროა. ბოშათა "ობშჩიაკი" სხვადასხვა, ლეგალური თუ არალეგალური ბიზნესით ივსება - ამას უზრულველყოფს ვაჭრობა, სასტუმროების ბიზნესი და სხვა. აგრეთვე, რუმინეთიდან დასავლეთ ევროპაში სიგარეტის კონტრაბანდა. კრიმინალური ბიზნესით მიღებული შემოსავლის 5-10% რიგით ბოშებს "ობშჩიაკში" შეაქვთ.

გაგრძელება+ფოტოგალერეა