მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
პარასკევი, მთვარის ოცდამეცხრე დღე დაიწყება 06:58-ზე, მთვარე თევზებშია
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია დაიცვათ მარხვა. ძილის წინ მიიღეთ შხაპი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
გოგი თოფაძის განცხადებები, რომელმაც საზოგადოება შოკში ჩააგდო
11:00 / 04-02-2016
ლადო გოგოლაძის ბლოგი| 3 თებერვალს, პარლამენტში გიორგი მარგველაშვილის ყოველწლიური ანგარიშის დასრულების შემდეგ, გოგი თოფაძეც გამოვიდა სიტყვით და შეურაცხმყოფელი განცხადებით მიმართა პრეზიდენტს: "ქართველი ხალხი თქვენ დაუნებს შეადარეთ, ძალიან სამწუხაროა", თუმცა არც ამას დასჯერდა და დასძინა: "თუ თქვენ ასე აფასებთ საქართველოს მოსახლეობას, მაშინ, ალბათ, არც საქართველოს პრეზიდენტობა უნდა გეკადრათ". ალბათ, გოგი ბატონს თავი დიმიტრი ყიფიანი ჰგონია, პრეზიდენტი კი ეგზარქოსი ჩუდეცკი და წმინდა დიმიტრი ყიფიანის სიტყვების პერიფრაზი გააკეთა - როცა ჩუდეცკიმ ქართველი ერი დაწყევლა, ყიფიანმა უთხრა: "რატომ მწყემსავთ ერს, რომელსაც წყევლითო". მაგრამ, "მრეწველი" თოფაძე ისევე შორსაა დიმიტრი ყიფიანისაგან, როგორც პრეზიდენტი მარგველაშვილი ჩუდეცკისგან...
უმრავლესობის დეპუტატის გამოთქმამ საზოგადოება აღაშფოთა, თუმცა სამწუხაროდ, ნაკლებად გააკვირვა, რადგან როცა ის საპარლამენტო ტრიბუნასთან, თუ სატელევიზიო ეთერით გამოდის, აუდიტორია მისგან ახალ-ახალ "მარგალიტებს" ელის. პრინციპში, რაღაა გასაკვირი კაცისგან, რომელიც 21-ე საუკუნეში, ერთ-ერთ ტელეკომპანიაში სტუმრობისას პირდაპირ ეთერში ამბობს: "მალე სტალინის სურათი ყველა კაბინეტში დაიკიდება, რადგან ყველა მიხვდება, რომ ის გენიალური პიროვნება იყო და დიდი საქმეები გააკეთაო".
საინტერესოა დეპუტატის შეხედულება "ნატოსთან" დაკავშირებითაც: "არ მომწონს რომ ვლაპარაკობთ ნატოა ჩვენი გეზი. არ მიგვიღებს ეს ნატო", - ამის შესახებ საპარლამენტო უმრავლესობის წარმომადგენელმა "პალიტრა TV"-ს გადაცემა "რეზიუმეში" სტუმრობისას განაცხადა. სანაცვლოდ, 76 წლის დეპუტატი ევრაზიულ კავშირთან მეგობრობის შესაძლებლობას განიხილავს: "ევრაზიული კავშირი ერთ-ერთი შესაძლებლობაა, სადაც უფრო კარგად ვიქნებით. რუსი რომ აგრესორია და რუსეთმა რომ ტერიტორიები წაგვართვა, ეს ვიცით. რუსი ავადმყოფია, მაგრამ რუსოფობია რას მოგვიტანს".
როცა ჟურნალისტებმა ერთ-ერთი ორაზროვანი განცხადების განმარტება სთხოვეს, გაღიზიანებულმა ბატონმა გოგიმ ჯავრი "რუსთავი 2"-ზე იყარა და ერთ-ერთი პრესკონფერენციის დაწყებამდე ტელეკომპანიის მიკროფონი ხელში აიღო, ცალკე გადადო და თქვა: "რუსთავი 2" ხვალ აღარ იქნება" (ეს კომენტარი სასამართლოში "რუსთავი 2"-ის საქმის განხილვას დაემთხვა. ჟურნალისტებს უხეშად კიდევ ერთხელ დღესაც მოექცა, როცა ქუთაისის პარლამენტის საკუთარი კაბინეტიდან გამოაძევა: "არ გიშვებთ, ძალაზე ხართ? წადი გენაცვალე, გაბრძანდით აქედან, ნუ მიშლით მუშაობას. რა, ვიჭიდავოთ?!". მედიის წარმომადგენლები მისგან პრეზიდენტის მისამართით გაკეთებული განცხადების განმარტებას ითხოვდნენ.
გოგი თოფაძე ქართველ მამაკაცთა პოტენციის სადარაჯოზეც მოგვევლინა, როცა ფარდა ახადა "მზაკვრულ საიდუმლოს" და თქვა: "რატომ უნდა შემოდიოდეს თურქული წიწილა, რომელზეც გვაფრთხილებენ მამაკაცებს, რომ იმპოტენციას იწვევს?". ეჰ, ბატონო დეპუტატო, ერთი წარმოების ლუდზეც გვაფრთხილებენ, რომ ლუდის გარდა ყველაფერია, მაგრამ მაინც იყიდება მაღაზიებში და ეგებ ეგ ამბავიც მოგეკითხათ...
"მრეწველთა" ლიდერს, როგორც ყველა სხვა საკითხზე, ნეპოტიზმზეც საკუთარი აზრი გააჩნია და ამბობს: "საქართველო პატარა ქვეყანაა და სწორედ ამიტომ დაფიქსირდა ნეპოტიზმის რამდენიმე ფაქტი, მეტიც იმაზე აჟიტირება, ვიღაცამ ვიღაცა მოიყვანა, ბიძაშვილი, მამიდაშვილი, ვიღაცის ნათესავი, არ ნიშნავს, რომ ნეპოტიზმია". არა ბატონო გოგი, რა საერთო აქვს მაგ ფაქტს ნეპოტიზმთან?! არაფერი. საერთოდაც, მომდევნო არჩევნებზე სლოგანად აირჩიეთ - "მეტი ბიძაშვილი სამსახურში", ამდენი რამე გითქვამთ და ავიტანეთ, ჰოდა მაგასაც ავიტანთ...
ეს "მრეწველი" "მეოცნების" გამონათქვამების მცირე ჩამონათვალია, თუმცა საპარლამენტო მანდატის მინიმუმ ერთი წლის მანძილზე მას კიდევ ბევრი დრო და ეთერი ექნება ხმაურიანი "მარგალიტების" სათქმელად...
პ.ს. სხვათა შორის, როცა თოფაძის განცხადებაზე სტალინის პორტრეტის დაკიდებასთან დაკავშირებით კომენტარი ბიძინა ივანიშვილს სთხოვეს, ქვეყნის პირველმა მოქალაქემ ასეთი "დიაგნოზი დასვა": "ახლა ასაკშია, 75 წელს გადააჭარბა და ზოგჯერ აქვს წამოცდენები, მაგრამ კარგი კაცია და შეიძლება, ვაპატიოთ". ამაზე ერთმა ჩემმა მეგობარმა იხუმრა (არა მგონია მიწყინოს მისი ხუმრობის გამოყენება) - ბატონო ბიძინა, თოფაძე კი არ დაბერდა, დაჟანგდა და "ატსროჩკას" აძლევსო.
ლადო გოგოლაძე
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
