23
ივნისიდღის ზოგადი ასტროლოგიური პროგნოზი
28 იანვარს, საღამოს საზარელი ავტოკატასტროფა მოხდა ზუგდიდი - ჯვრის საგზაო მონაკვეთზე, სადაც "ფორდისა" და "ოპელის" მარკის ავტომანქანების შეჯახებამ 5 ადამიანის - გიორგი ციმინტიას, ბაჩანა შონიას, დათო ბერიშვილის, ლევან მატუასა და დათო ქუხილავას სიცოცხლე იმსხვერპლა, 6 კი მძიმედ დაშავდა. დაშავებულების სიცოცხლის გადასარჩენად სხვადასხვა საავადმყოფოს რეანიმაციული განყოფილების ექიმები იბრძვიან. გარდაცვლილთა შორის უფროსი 26 წლის არის, ყველაზე უმცროსი კი - 19-ის. მათ შორის ოთხი ჯვრის დასახლების ერთსა და იმავე კორპუსში ცხოვრობდა და ბავშვობის განუყრელი მეგობრები იყვნენ. მეხუთე, 21 წლის დავით ბერიშვილი კი სოფელ ლიას მკვიდრი იყო და როცა კატასტროფა მოხდა, ერთ-ერთი მანქანის საჭესთან სწორედ ის იჯდა.
ავტოკატასტროფის ფაქტზე გამოძიება სისხლის სამართლის 276-ე მუხლის მე-7 ნაწილით მიმდინარეობს, რაც სატრანსპორტო საშუალებების ექსპლუატაციის წესების დარღვევას გულისხმობს.
უმძიმეს ტრაგედიაზე "კვირის პალიტრა" სოფელ ლიას რწმუნებულს, ვახტანგ კვირკველიას ესაუბრა:
- როცა კატასტროფაში მოყოლილი მანქანები ვნახე, იმის გააზრებაც კი გამიჭირდა, რომ ოდესღაც ეს ჯართის გროვა ავტომობილები იყო. ვერ წარმოვიდგენდი, რომ ამ სიტუაციაში ვინმე გადარჩებოდა. ჯვარში მცხოვრები ბიჭების მანქანა შეჯახების შემდეგ რკინის ღობეს შეეხეთქა და ერთიანად აიზილა. 6 კაცი იჯდა მანქანაში, ოთხი მათგანი ცოცხალი აღარ არის.… ამაზე ლაპარაკი ძალიან მიმძიმს - განა რამდენი ვართ ქართველები, რომ ამდენი ახალგაზრდა ერთად გავისტუმროთ იმ ქვეყნად. უბედურება ტრიალებს იმ ეზოში, სადაც ისინი გაიზარდნენ. ჩვენი 5 თანასოფლელიდან 4 გადარჩა, მაგრამ 21 წლის დათო ბერიშვილი დაგვეღუპა. სწორედ ის იჯდა საჭესთან, როცა ეს ენითაუწერელი უბედურება მოხდა. საჭის მხარე დარტყმისგან მთლიანად მანქანის სიღრმეშია შეტანილი. ღმერთმა ინებოს, რომ გადარჩენილები გამოჯანმრთელდნენ; ჩემი ინფორმაციით, ძალიან მძიმე მდგომარეობაში არიან...
- რა გახდა ავტოკატასტროფის მიზეზი, მძღოლები ალკოჰოლის ზემოქმედების ქვეშ იყვნენ?
წაიკითხეთ ვრცლად "კვირის პალიტრის" 1 თებერვლის ნომერში
ან გახდით გაზეთის ონლაინ-ვერსიის ხელმომწერი და წაიკითხეთ სტატია სრულად
