"დანა ამოიღო და დათოს რამდენჯერმე დაარტყა" - შვილის ნათლობის სუფრაზე დაწყებული კამათის ტრაგიკული დასასრული

რამდენიმე დღის წინ, გორში კიდევ ერთი კამათი მკვლელობით დასრულდა. გორში, სამართალდამცველებმა, მომხდარი ფაქტი ოპერატიულად გახსნეს და 1989 წელს დაბადებული, წარსულში რამდენჯერმე ნასამართლევი ილია გ. განზრახ მკვლელობის ბრალდებით დააკავეს. როგორც ადგილობრივები ამბობენ, გარდაცვლილი, ასევე წარსულში რამდენჯერმე ნასამართლევი დათო ს. გორის ერთ-ერთ რესტორანში, ახლობლებთან ერთად იმყოფებოდა, რა დროსაც დაიწყო კამათი. მომხდარის დეტალებზე თვითმხილველი გვესაუბრება:

- დათოს, რომელსაც ახლობლები "ჯუნგლას" ვეძახით, იმ დღეს შვილის ნათლობა ჰქონდა. ნათლობის რიტუალის შემდეგ, სუფრა გორში, რესტორან "ნაჭარმაგევში" გაიშალა. ჩვეულებრივი ქართული ქეიფი იყო, მაგრამ ცოტა ხანში დათოს გვერდითი სუფრაზე მჯდომ მამაკაცთან მოუვიდა კამათი. არ ვიცით, კონკრეტულად რა მოხდა და შელაპარაკების მიზეზი რა იყო. დათოც და ის უცნობებიც ნასვამები იყვნენ...

- რესტორანს დაცვა არ ჰყავს კონფლიქტში დროულად რომ ჩარეულიყვნენ?

- ჰყავს, მაგრამ რესტორანში საქმე ისე არ გამწვავებულა, რომ დაცვის გამოძახება გამხდარიყო საჭირო. ცოტა ხანში დავიშალეთ და სახლებისკენ დავიძარით. გზაზე დათოს მანქანა გააჩერს.

გაგრძელება