"საავტომობილო ოსკარი" კულმინაციას უახლოვდება - "AUTO BILD საქართველო" მალე "ოქროს საჭე 2015"-ს გამოავლენს!
"AUTO BILD საქართველოს" კონკურსი "ოქროს საჭე 2015" კულმინაციას უახლოვდება, რჩეული ავტომობილებისთვის ხმის მიცემა კი გრძელდება. ამ თემაზე დღეს "GM ტუნინგის" სერვის ცენტრში ჟურნალ "AUTO BILD საქართველოს" წარმომადგენლებმა პრესკონფერენცია გამართეს.
"ოქროს საჭე 2015"-ის ორგანიზატორებმა კონკურსის მიმდინარეობის შესახებ ისაუბრეს და მისი დასრულებულის თარიღი დააანონსეს. ღონისძიებას ავტოსფეროში დასაქმებული ადამიანები ესწრებოდნენ.
"თებერვლის ბოლოს, წლის საუკეთესო ავტომობილები გამოვლინდება. კონკურსი ავტომობილების 6 კლასში მიმდინარეობს და ხმის მიცემა www.autobild.ge- ზე ხდება. გამარჯვებულებს ერთ თვეში საზეიმო ცერემონიალზე წარვადგენთ", - განაცხადა "AUTO BILD საქართველოს" მთავარმა რედაქტორმა შალვა ბუაჩიძემ.
საავტომობილო ოსკარის სახელით ცნობილი კონკურსი "ოქროს საჭე" უკვე რამდენიმე თვეა მიმდინარეობს. კონკურსს ჟურნალი "AUTO BILD საქართველო" 2009 წლიდან ატარებს და მისი მიზანია საუკეთესო ავტომობილების გამოვლენა.
"ოქროს საჭე 2015"-ის წარმდგენია ავტო ტუნინგის კომპანია "GM ტუნინგი"; პროექტი საქართველოში საავტომობილო ჟურნალის "AUTO BILD საქართველოს" ორგანიზებითა და რუსთავის საერთაშორისო ავტოდრომის პარტნიორობით იმართება.
"ოქროს საჭე 2015"-ის დასკვნითი ღონისძიება 26 თებერვალს გაიმართება, რომელზეც გამოვლინდებიან წლის საუკეთესო ავტომობილები და საუკეთესო მრბოლელები.
ეკა მელიქიძე
AMBEBI.GE
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
