მნიშვნელოვანი ინფორმაცია
11
ივლისიდღის ზოგადი ასტროლოგიური პროგნოზი
პარასკევი, მთვარის მეჩვიდმეტე დღე დაიწყება 23:08-ზე, მთვარე მერწყულს ესტუმრება 21:19-ზე – რეკომენდებულია კომუნიკაცია, შეხვედრები მეგობრებთან; შემოქმედებითი საქმიანობა; პრეზენტაციებისა და სარეკლამო კამპანიების ჩატარება. გუნდური მუშაობა. წარუდგინეთ პროექტები თქვენს უფროსებს განსახილველად. მოაწყვეთ კორპორაციული წვეულებები. არ არის რეკომენდებული მნიშვნელოვანი საკითხების გადაჭრა. სერიოზული და ფართომასშტაბიანი მოლაპარაკებების წარმოება. ხელსაყრელი პერიოდია სამეცნიერო საქმიანობის, კვლევისთვის. ადამიანები ავლენენ დამოუკიდებლობას, ექსტრავაგანტურობას, კომუნიკაბელურობას, ექსპერიმენტებისადმი მიდრეკილებას და გამომგონებლობას. მნიშვნელოვანია მოამზადოთ რაიმე გემრიელი და უჩვეულო, ჩაატაროთ ექსპერიმენტები სამზარეულოში.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ქართული შოუბიზნესის ცნობილი დედმამიშვილები
01:58 / 29-01-2016
ქართულ შოუბიზნესში ხშირად გვხვდებიან ერთი ოჯახის წარმომადგენელი ცნობილი სახეები. დები, ძმები თუ და-ძმები ერთსა და იმავე, ან სხვადასხვა სფეროში ერთნაირი წარმატებით მოღვაწეობენ. AMBEBI.GE იმ დედმამიშვილების შესახებ გიამბობთ, რომლებიც საკუთარი საქმიანობით პოპულარულები გახდნენ.
და-ძმა ყიფშიძეები
გიორგი და ლენუკა ყიფშიძეები ცნობილი ქართველი მსახიობის, ზურა ყიფშიძის შვილები არიან. გიორგი მამის კვალს გაჰყვა და პროფესიით მსახიობია. ის თუმანიშვილის თეატრში მოღვაწეობს. გადაღებულია რამდენიმე სატელევიზიო ფილმში და სერიალში. სხვადასხვა დროს მონაწილეობდა სატელევიზიო პროექტებში, ასევე "ნიჭიერის" ერთ-ერთი წამყვანია. შედარებით იშვიათად ჩანს ტელესივრცეში მისი და ლენუკა ყიფშიძე. იგი მოდელია და თბილისის მოდის კვირეულებზე სხვადასხვა დიზაინერის ჩვენებებზე ხშირად გამოდის.
დები ქორქიები
ლიკა და ანი ქორქიები ქართულ სატელევიზიო სივრცეში რამდენიმე წლის წინ გამოჩნდნენ. მომხიბვლელი დების კარიერა სამოდელო საქმიანობით დაიწყო, მათი გამოჩენა პოდიუმზე და ფოტოსესიებში შეუმჩნეველი არავის დარჩენია. სამოდელო სფეროს პარალელურად, გოგონებმა მალევე დაიწყეს მოღვაწეობა სატელევიზიო სივრცეში. სხვადასხვა დროს სხვადასხვა ტელეკომპანიის ეთერში ტელეწამყვანის და შოუს წამყვანის პოზიციებს იკავებდნენ. ლიკა ქორქიამ მსახიობობაშიც მოსინჯა ძალები. ის რამდენიმე ფილმში გადაიღეს.
დები გოგიჩაიშვილები
ნანუკა და ნინი გოგიჩაიშვილებიც ასევე ცნობილი ოჯახის შვილები არიან. მათი ბაბუა მსახიობი სოსო გოგიჩაიშვილია, მამა - ტელეწამყვანი გიორგი გოგიაჩაიშვილი, დედა კი ჟურნალისტი ნათია ბანძელაძე. ნანუკა გოგიჩაიშვილი საზოგადოებამ "მის საქართველოდან" გაიცნო, შემდეგ მან საკუთარი ძალები ტელეწამყვანის ამპლუაში, "რუსთავი 2"-ის დილის გადაცემაში მოსინჯა, სადაც წლების მანძილზე მიყავდა ამინდის პროგნოზი. რაც შეეხება მის უმცროს დას, ნინის პოპულარობა სხვა ტელეკომპანიამ - "GDS"-მა მოუტანა. ის არხის ყველაზე პოპულარული გადაცემის "ბინა 18"-ის მუსიკალური დიჯეის ამპლუაში გვევლინება. მისი მომხიბვლელობა არც გადაცემის მაყურებელს და არც სტუმრებს გულგრილს არ ტოვებს.
დები გაჩეჩილაძეები
თაკო და ნინო გაჩეჩილაძეები ცნობილი ქართველი მუსიკოსის გივი გაჩეჩილაძის ქალიშვილები არიან. თაკო ბავშვობიდან პოპულარულია, ის "ბასტი ბუბუში" მღეროდა, მისი სიმღერები "უთო", "პეპი" და სხვა 80-იანი წლების ბავშვებში პოპულარობით სარგებლობდა. თაკო გაჩეჩილაძე ერთ-ერთი პირველი იყო, ვისაც სოლო-კლიპები ჯერ კიდევ ბავშვობაში ჰქონდა და ასევე, ერთ-ერთმა პირველმა "გარეპა". თაკოს ინტერვიუები არ უყვარს, არც თბილისურ წვეულებებზე ჩნდება ხშირად. მისი ერთ-ერთი ბოლო ტრიუმფი გადაცემა "ერთი-ერთში" იყო, სადაც მან არაჩვეულებრივი შესრულების და მსახიობური ნიჭის დამსახურებით, პროექტის მოგებაც შეძლო. რაც შეეხება მის დას, ნინო მარჯანიშვილის თეატრის მსახიობია. იგი რამდენიმე ფილმშიც არის გადაღებული, თუმცა ფართო საზოგადოებისთვის ცნობილი პოპულარულ სერიალში "ჩემი ცოლის დაქალებში" შესრულებული ერთ-ერთი მთავარი როლით გახდა. მისი გმირი - კატო მაყურებელმა გამოჩენისთანავე შეიყვარა. იყო პერიოდი, როცა ნინომ გარკვეული მიზეზების გამო სერიალი დატოვა, მაყურებელი მის დაბრუნებას "ჩემი ცოლის დაქალებში" აქტიურად ითხოვდა.
ძმები არველაძეები
ძმები არველაძეები ფეხბურთის ვარსკვლავები არიან. რეზი, შოთი და აჩი არამარტო ქართველ ფეხბურთის გულშემატკივრებს უყვართ. შოთი არველაძე ბოლო დროს საქართველოში არ ცხოვრობს, ბოლოს ის სამწვრთნელო საქმიანობას ეწეოდა, თუმცა ამ ეტაპზე ისვენებს. რაც შეეხება აჩის, მას ტრავმის გამო უარის თქმა მოუხდა ფეხბურთზე და ბოლოს ერთ-ერთ სპორტსკოლას ხელმძღვანელობდა. რეზი არველაძე კი სფფ-ის პრეზიდენტის პოსტზე იყრიდა კენჭს, მაგრამ ხმების საჭირო რაოდენობა ვერ დააგროვა.
და-ძმა ცქიტიშვილები
ნინო და ნიკა ცქიტიშვილები ბავშვობიდან პოპულარულები არიან. ნიკა ცქიტიშვილი კალათბურთელია და საქართველოს ეროვნულ საკალათბურთო ნაკრებში თამაშობს. ამასთან, ლიბანის "ჩემპვილის" ფორვარდია. რაც შეეხება ნინოს, ის ქართველი მოდელების პირველი თაობის ერთ-ერთი ყველაზე ცნობილი წარმომადგენელია და პოდიუმზე 90-იანი წლებიდან დგას. ამჟამად, სამოდელო სააგენტოს ხელმძღვანელობს და დამწყებ მოდელებს წარმატებული კარიერის შექმნაში ეხმარება.
თამარ ბოჭორიშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ვიდეოკადრებს ავრცელებს პროკურატურა პოლიციელზე თავდასხმაში ბრალდებულ 19 წლის საბა ჯიქიასთან დაკავშირებით?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
