მნიშვნელოვანი ინფორმაცია
8
ივნისიდღის ზოგადი ასტროლოგიური პროგნოზი
კვირა, მთვარის მეცამეტე დღე დაიწყება 19:40-ზე, მთვარე მორიელშია – კარგია ჯგუფური მუშაობისთვის, ახალი ინფორმაციის მოსაპოვებლად, სწავლის დასაწყებად. საყოფაცხოვრებო ნივთების დაგროვების, შეძენისა და წარმოებისთვის. კარგია პურის გამოცხობა. არ არის რეკომენდებული სერიოზული საქმეების და ვალდებულებების შესრულება, განსაკუთრებით მარტო. ადრე დაწყებული პროექტების მიტოვება. სიზარმაცე. ხელსაყრელი დღეა მოგზაურობისთვის, მივლინების ან მომლოცველებისთვის. აგრეთვე ოჯახის შესაქმნელად.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ვინც ასე უცენზუროდ ილანძღება, გაუნათლებელია" - რას პასუხობს "აბესალომ და ეთერის" მხატვარი დეკორაციების კრიტიკოსებს
07:09 / 28-01-2016
ოპერის განახლებული თეატრისა და "აბესალომ და ეთერის" ახალი დადგმის გარშემო ბოლო დროს აჟიოტაჟი არ წყდება. სოციალური ქსელის საშუალებით გუშინ ახალი სკანდალი აგორდა - მიზეზი დადგმის ერთ-ერთი დეკორაციაა, რომელმაც მნახველში ორაზროვანი ასოციაციები გამოიწვია.
იმის გასარკვევად, თუ რას ფიქრობს თავად დადგმის მხატვარი დეკორაციებზე, ჩვენ თეატრალურ დეკორატორს გოგი ალექსი-მესხიშვილს დავუკავშირდით. ის თითქმის ერთი წელიწადია ამ დადგმის მხატვრულ გაფორმებაზე მუშაობს.
- ბატონო გოგი, საპრემიერო სპექტაკლის წინ დიდი ხმაურია ატეხილი, - ამის მიზეზი დეკორაციის ის დეტალია, რომელიც სცენის ცენტრშია განთავსებული. მასზე ორაზროვანი შეფასებები გაჩნდა სოციალურ ქსელში.
- საერთოდ, ოპერის თეატრის გახსნა რატომღაც დიდი ხანია, ყბადაღებულ თემად იქცა. ახლა სპექტაკლს მოდგნენ. შურიანია საზოგადოება და ეს ყველაფერი ამის ბრალია. სანამ პრემიერა არ შედგება, არავის აქვს უფლება, იმსჯელოს დადგმის რომელიმე დეტალზე, შემსრულებელზე, ან საერთოდ, რამეზე. ჯერ კიდევ მილიონი რაღაც არის, რომელიც გასაკეთებელ-დასასრულებელია. კოსტიუმებში, დეკორაციაში, რეკვიზიტში თავადაც უამრავი შენიშვნა გვაქვს. პრემიერაზე როცა მოვლენ, მაშინ დაიწყონ შენიშვნები და ლანძღვა. მათი ასეთი აღვირახსნილი გინება და მოქმედება გასაოცარია. ხალხი, ვინც ილანძღება, საკუთარ თავს ირცხვენს. ჩვენ კარგად ვიცით, რა არის გასასწორებელი და ყველაფერს ვაკეთებთ იმისთვის, რომ სპექტაკლი მაღალ დონეზე წარმოვადგინოთ. ილაპარაკონ კოსტიუმებზე, ზოგადად დეკორაციაზე, მხოლოდ ერთ დეტალს რომ ჩააფრინდნენ, - ეს სამარცხვინოა და ვინც ასე უცენზუროდ ილანძღება, მიმაჩნია, რომ გაუნათლებელია. დიახ, ასე პირდაპირ ვიტყვი, პირდაპირი კაცი ვარ და ამიტომ!
არ შეიძლება ასეთი აღვირახსნილება, რაც სამწუხაროდ გარკვეული ჯგუფების მიერ უკვე დიდი ხანია გრძელდება. ისინი მზად არიან შემოცვივდნენ და ოპერის თეატრი ხელში ჩაიგდონ. არადა, ამაში ჩაიდო ერთი წლის დაუღალავი შრომა, საშინელ პირობებში გაკეთდა ყველაფერი იმიტომ, რომ ოპერას დაუნგრიეს სახელოსნოები, ხელოსნები გაყარეს და ავჭალიდან დაწყებული, დიდუბით დამთავრებული, მთელ ქალაქში სირბილი მოგვიხდა... ვიმეორებ, თუ ასეთი გულშემატკივრები არიან და ასე აინტერესებთ რამე, მაშინ იმით დაინტერესდნენ, რა პირობებში ვმუშაობდით და არა იმით, რაღაც ქვა დევს სცენაზე თუ არ დევს და როგორია. პატივს არ ვცემ მათ, ვისაც თავის ქვეყანაში რაღაც-რაღაცები ასე ძალიან ახარებთ. მობრძანდნენ პრემიერაზე და მერე წერონ თავიანთი კომენტარები.
- ქვას, რომელიც ახსენეთ, ფალოსს ადარებენ...
- წერონ. საქართველოში "ფეისბუქი" ხომ აკლებულია ადამიანების ლანძღვა-გინებით. ჩვენ ვაკეთებთ ჩვენს საქმეს, ვიმეორებ, მოვიდნენ პრემიერაზე და შეგვაფასონ. მართლა ამორალური საქციელია და არაპროფესიონალიზმი პრემიერამდე დეკორაციის დეტალზე ასეთი ამბის ატეხვა.
30 იანვარს ოპერის თეატრი განახლებული სახით გაიხსნება. სცენაზე 6-წლიანი პაუზის შემდეგ, პირველი საოპერო დადგმა შესრულდება. "აბესალომ და ეთერის" დადგმის რეჟისორია გიზო ჟორდანია, მხატვარი - გოგი ალექსი-მესხიშვილი. წამყვან პარტიებს მსოფლიოში აღიარებული ქართველი მომღერლები: თამარ ივერი, ლადო ათანელი და თემურ გუგუშვილი ასრულებენ.
ლალი ფაცია
AMBEBI.GE
ასევე დაგაინტერესებთ:
ნიკა გვარამიას კომენტარი "აბესალომ და ეთერის" დეკორაციაზე
როგორ გამოიყურება ცენტრალური დეკორაცია "აბესალომ და ეთერის" ახალი დადგმიდან
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
