მნიშვნელოვანი ინფორმაცია
17
მარტიდღის ზოგადი ასტროლოგიური პროგნოზი
სამშაბათი, მთვარის მეცხრამეტე დღე, მთვარე მორიელშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ ამ დღეს, გადადეთ ნიშნობაც. განქორწინებაც კი სხვა დღეს დანიშნეთ. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მაშინაც ასეთი ყინვა იყო... ტრაგედიასავით საშინელი ყინვა..." - მკვლელობიდან 10 წლის შემდეგ, სანდრო გირგვლიანს "ფეისბუქზე" იხსენებენ
03:13 / 28-01-2016
სანდრო გირგვლიანის მკვლელობიდან 10 წელი გავიდა. "გაერთიანებული ქართული ბანკის" საერთაშორისო ურთიერთობების განყოფილების ხელმძღვანელი, 28 წლის სანდრო გირგვლიანი 2006 წლის 28 იანვარს ოქროყანაში გარდაცვლილი იპოვეს. ერთ-ერთი ყველაზე გახმაურებული მკვლელობის საქმე წლების მანძილზე სამოქალაქო ვნებათაღელვის მიზეზი გახდა.
2011 წლის 26 აპრილის ადამიანის უფლებათა ევროპული სასამართლოს გადაწყვეტილების თანახმად, სასამართლომ ნაწილობრივ დააკმაყოფილა საქართველოს მთავრობის წინააღმდეგ გირგვლიანის ოჯახის სარჩელი და განაცხადა, რომ სანდრო გირგვლიანის მკვლელობის საქმის გამოძიებას "აშკარად აკლდა საჭირო დამოუკიდებლობა, მიუკერძოებლობა, ობიექტურობა და საფუძვლიანობა".
10 წლის თავზე, სანდრო გირგვლიანს "ფეისბუქის" სტატუსებში იხსენებენ: "მაშინაც ასეთი საშინელი ყინვა იყო... იმ 27-28 იანვარის ღამეს, სანდრო გირგვლიანი რომ მოკლეს... ტრაგედიასავით საშინელი და დასამახსოვრებელი ყინვა... მერე ვიღაცეები იტყვიან, კიდევ მოვბრუნდებით ხელისუფლებაშიო! როგორ არა, სულ მაგაზე ვოცნებობთ ხოლმე, განსაკუთრებით - 28 იანვარს" - წერს რუსა მუმლაძე-ავალიანი.
ტელეწამყვანი მაკა ცინცაძე ასე ეხმაურება 10 წლის წინ მომხდარ ტრაგედიას: "სადაც არ უნდა ვიყო, რა დროც არ უნდა გავიდეს და რაც არ უნდა შეიცვალოს! მე მახსოვს სანდრო გირგვლიანი!"
ლალი მოროშკინა: "სანდრო გირგვლიანი... ბრძოლის, ტანჯვის, ცრემლის 10 წელი.... რეჟიმის სრული ლუსტრაცია... ჩვენი და ჩვენი შვილების გადასარჩენად განწირული სიცოცხლე"
თამუნა ლეფსვერიძე, ჟურნალისტი: "არ გეგონოთ, რომ როდესმე დაგვავიწყდება!!! "ხელისუფლების სხვადასხვა შტო - შინაგან საქმეთა სამინისტრო, პროკურატურა, ადგილობრივი სასამართლოები და საქართველოს პრეზიდენტი - ერთობლივად მოქმედებდნენ იმისთვის, რომ ხელი შეეშალათ მართლმსაჯულების აღსრულებისთვის სანდრო გირგვლიანის მკვლელობის შემზარავ საქმეში," - "2011 წლის 26 აპრილი. ადამიანის უფლებათა ევროპული სასამართლოს გადაწყვეტილება საქმეზე "ენუქიძე და გირგვლიანი საქართველოს წინააღმდეგ."
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ავტოსაგზაო შემთხვევა სამგორში - თვითმხილველების ინფორმაციით, ავტომანქანა ველოსიპედით მოძრავ მოქალაქეს დაეჯახა.
კვირის კითხვადი სტატიები
მნიშვნელოვანი ინფორმაცია
მკითხველის რჩევით
