მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ეს არის ცენტრალური დეკორაცია "აბესალომ და ეთერის" ახალი დადგმიდან"
06:26 / 27-01-2016
ოპერის განახლებული თეატრისა და "აბესალომ და ეთერის" დადგმის ირგვლივ რამდენიმე დღეა ხმაური არ წყდება. ამჯერად, ახალი სკანდალის მიზეზი დადგმის ერთ-ერთი დეკორაცია გახდა, რომელმაც მნახველში უკვე გამოიწვია ორაზროვანი ასოციაციები. იურისტი და "ნაციონალური მოძრაობის" წევრი ზაზა ბიბილაშვილი "ფეისბუქის" გვერდზე ფოტოს ავრცელებს, რომელზეც "აბესალომ და ეთერის" დადგმის მთავარი დეკორაციაა ასახული. ფოტოს უამრავი კომენტარი მოჰყვა, მათ შორის ცნობილი სახეების, რომლებიც ცდილობენ გაარკვიონ, რას ასახავს უცნაური ფორმის ნივთი სცენაზე. ზაზა ბიბილაშვილი ფოტოს ასეთ წარწერას ურთავს:
იხილეთ ვიდეო რეპეტიციიდან
"მეგობრებო, ეს არის ცენტრალური დეკორაცია აბესალომ და ეთერის ახალი დადგმიდან, რომლითაც იხსნება თბილისის ოპერის თეატრი, 6-წლიანი პაუზის შემდეგ. ალბათ, ამ დეკორაციის შემქმნელებს უნდოდათ, ივანიშვილისთვის ეამებინათ. ან შეიძლება არც უნდოდათ, მაგრამ სპონსორზე ფიქრისას, ძალაუნებურად ეს შემოეძერწათ. ან იქნებ პირდაპირი მოთხოვნა იყო კულტურის სამინისტროს ან ფონდი "ქართუს" მხრიდან, სპექტაკლში ოპერის მთავარი ქომაგი ჩააქსოვეთო?
ერთი წუთით წარმოიდგინეთ, რა იქნებოდა, ეს რომ წინა ხელისუფლების დროს მომხდარიყო - რა ისტერიკაში ჩავარდებოდა ქართულენოვანი რუსული პრესა, ან რა ამბავს ატეხდა ჩვენი სასიქადულო ინტელიგენცია ქართულენოვანი რუსული ტელევიზიების ეთერებში. რას არ დააბრალებდნენ სააკაშვილს - ქართველობას გვართმევს, შეურაცხყოფას გვაყენებს, სექსუალური მანიაკია, ბავშვებს რყვნის, პატრიარქს როგორ კადრებს ამასო (ისიც იჯდება დარბაზში)... ახლა კი იგივე ხალხი დედის რძესავით შეირგებს ამ ამბავს. რატომ? პუტინისგან და ივანიშვილისგან მორთმეულს სხვა მადლი აქვს და იმიტომ. ჩვენ კი ისღა დაგვრჩენია, ეს ყველაფერი სასწაულად მოვნათლოთ და დაველოდოთ, რა შედეგით დასრულდება სცენაზე ოლიგარქის გამოსახვა მენეჯმენტისთვის და არა მხოლოდ", - წერს ბიბილაშვილი.
"ივანიშვილის საგვარეულო ღერბი"; "ქართული ოცნების სიმბოლო "ცოცარი"; "ალბათ, კარგია, როცა სცენაზე დარბაზიდან საკუთარ თავს ხედავ", - წერენ კომენტარებში ბიბილაშვილის ფეისბუქ-მეგობრები.
შეგახსენებთ, 30 იანვარს ოპერის თეატრი განახლებული სახით გაიხსნება. სცენაზე 6-წლიანი პაუზის შემდეგ პირველი საოპერო დადგმა შესრულდება. "აბესალომ და ეთერის" დადგმის რეჟისორია გიზო ჟორდანია, მხატვარი - გოგი ალექსი-მესხიშვილი. წამყვან პარტიებს მსოფლიოში აღიარებული ქართველი მომღერლები: თამარ ივერი, ლადო ათანელი და თემურ გუგუშვილი ასრულებენ.
ასევე წაიკითხეთ:
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
