დღეს საქართველოს მთავარ პროკურატურაში საგანგებო ბრიფინგი გაიმართა, რომელზეც 2015 წლის 28 მარტს მომხდარი ბიზნესმენ ბესიკ ხარძიანის მკვლელობის საქმე გახსნილად გამოაცხადეს. თემას "ფეისბუქის" პირად გვერდზე ტელეწამყვანი ნანუკა ჟორჟოლიანი ეხმაურება.
"ნებისმიერ დანაშაულში მთავარი არის მოტივი. ეს უკანასკნელი განსაკუთრებით მნიშვნელოვანია მკვლელობის დროს.
პროკურატურამ გვითხრა, რომ კუჭავამ მოკლა ქირია (პროკურორის საქმე) და ვერ თქვა მთავარი, რა იყო მოტივი. (რაც თქვეს ყველა გამოირიცხა)
ახლა გვითხრეს, რომ გახსნეს ხარძიანის საქმე და ვერ გვეუბნებიან მოტივს. რატომ მოკლეს ხარძიანი.
აბა, ანძიდან ამონაწერს და სასტუმროს ჯავშანს ყველა ნახავს, ბატონო პროკურორო. მთავარი თქვით, მთავარი. ბჟუტურებენ რაღაცებს, ფაქტია", - წერს ნანუკა.
იხილეთ ასევე: "დღეს რომ ბესო ხარძიანი მიწაში წევს, უდესიანის და ქურასბედიანის დამსახურებაა" - მოკლული ბიზნესმენის შვილი
