მნიშვნელოვანი ინფორმაცია
12
ივნისიდღის ზოგადი ასტროლოგიური პროგნოზი
ხუთშაბათი, მთვარის მეჩვიდმეტე დღე დაიწყება 23:57-ზე, მთვარე თხის რქაში გადავა 05:54 –
კარგად შეძლებთ მნიშვნელოვანი ამოცანების დაგეგმვასა. იმ სამუშაოს შესრულებას, რომელიც მოითხოვს სიზუსტეს, მათემატიკურ გამოთვლებს და ინსტრუქციების მკაფიო დაცვას. ადამიანი ავლენს პასუხისმგებლობას, პრაქტიკულობას და მოვალეობის გრძნობას. რეკომენდებულია კომუნიკაცია, შეხვედრები მეგობრებთან; შემოქმედებითი საქმიანობა; პრეზენტაციებისა და სარეკლამო კამპანიების ჩატარება. გუნდური მუშაობა. წარუდგინეთ პროექტები თქვენს უფროსებს განსახილველად. აქტიური ორგანოებია: მუხლები, ძვლები, სახსრები, კანი, სისხლის მიმოქცევის სისტემა. დაიცავით უმარილო დიეტა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"დოკუმენტით დასტურდება, რომ "კაბელების" საქმეში არ არსებობს გარემოება, რომელიც თავდაცვის მაღალჩინოსნების ბრალეულობას დაადასტურებდა"
11:20 / 17-01-2016
დოკუმენტით, რომელიც ვიცე-პოლკოვნიკმა თემურ მირიანაშვილმა წარმოადგინა, დასტურდება, რომ "კაბელების" საქმეში არ არსებობს გარემოება, რომელიც დაადასტურებდა თავდაცვის სამინისტროს მაღალჩინოსნების ბრალეულობას, - ამის შესახებ "თავისუფალი დემოკრატების" ერთ-ერთმა ლიდერმა ირაკლი ჩიქოვანმა განაცხადა.
ჩიქოვანი იმედოვნებს, რომ სასამართლო შეძლებს იყოს დამოუკიდებელი და ამ დოკუმენტს მტკიცებულებად მიიღებს.
"კაბელების საქმე, მთლიანად არის აგებული იმ მოცემულობაზე, რომ "დელტაკომმი" "სილქნეტზე" უფრო იაფად განახორციელებდა მომსახურებას. "კაბელების საქმის" მიმდინარეობისას "დელტაკომი" დაჟინებით აცხადებდა, რომ ის თავდაცვის სამინისტროს მომსახურების გაწევას უფასოდ სთავაზობდა. ყველა ექსპერტული დასკვნა, ყველა სამხილი, რომელსაც ბრალდება, ანუ პროკურატურა წარმოადგენს, ეყრდნობა მოცემულობას, რომ "დელტაკომის" სატენდერო შეთავაზებით, ეს კომპანია უფასოდ განახორციელებდა სატენდერო პირობებში მოცემულ ვალდებულებებს. თუმცა ამ დოკუმენტით, რომელიც ერთ-ერთმა მოწმემ, საქართველოს თავდაცვის სამინისტროს გენერალური შტაბის ჟ-6 კავშირგაბმულობისა და ინფორმაციული სისტემების დეპარტმენტის ინფორმაციული სისტემების სამმართველოს უფროსის მოადგილე, ვიცე-პოლკოვნიკმა თ. მირიანაშვილმა წარმოადგინა, ირკვევა შემდეგი: დელტაკომი არ აპირებდა უფასოდ მომსახურებას და მეტიც, რა საფასურსაც ითხოვს "დელტაკომი" 13 მილიონი ლარით უფრო მეტია, ვიდრე დღეს ტენდერის შედეგად დადებული ხელშეკრულება ითვალისწინებს. ამ დოკუმენტით ნათლად დგინდება - ტენდერის შედეგად, რომელიც თავდაცვის სამინისტრომ "სილქნეტთან" გააფორმა, 13 მილიონ ლარზე მეტი იქნა დაზოგილი. აქედან გამომდინარე, იმედს ვიტოვებთ, რომ სასამართლო შეძლებს იყოს დამოუკიდებელი და ამ ახალ გარემოებას მიიღებს მტკიცებულებად", - განაცხადა ჩიქოვანმა. "კაბელების საქმეზე" მორიგი სასამართლო პროცესი ხვალ გაიმართება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
