ბათუმის ნავსადგურში ავტომობილის გადავარდნას მძღოლი ემსხვერპლა

ბათუმის ნავსადგურის მიმდებარედ უბედური შემთხვევა მოხდა. როგორც AMBEBI.GE-ს კორესპონდენტი ადგილიდან იუწყება, მსუბუქი ავტომობილი ზღვაში გადავარდა, რის შედეგადაც მძღოლი გარდაიცვალა.

აჭარის საგანგებო სიტუაციების მართვის ცენტრის ინფორმაციით, შემთხვევა წუხელ, გვიან ღამით მოხდა. საზღვაო მაშველებმა ზღვიდან გარდაცვლილი მძღოლი უკვე ამოიყვანეს. ამოიტანეს ავტომობილიც.

გარდაცვლილი მძღოლი 45 წლამდე ასაკის მამაკაცია. უბედური შემთხვევის გამომწვევი მიზეზები ჯერ უცნობია.