მნიშვნელოვანი ინფორმაცია
3
ივნისიდღის ზოგადი ასტროლოგიური პროგნოზი
სამშაბათი, მთვარის მერვე დღე დაიწყება 13:13-ზე, მთვარე ქალწულშია – დღეს დაწყებული და დაგეგმილი ყველაფერი გაცილებით ნელა მიმდინარეობს, ვიდრე ჩვენ გვსურს. შესაძლებელია მოვლენების მოულოდნელი შემობრუნება, კონფლიქტები და საგანგებო სიტუაციები. რეკომენდებულია კრეატიული მიდგომები ძველი პროექტების განსახორციელებლად. მოაგვარეთ მხოლოდ მცირე ფინანსური საკითხები. მოძებნეთ ახალი პარტნიორები. ინდივიდუალურად იმუშავეთ. შეზღუდეთ კოლექტიური მუშაობა. შეგიძლიათ დაიცვათ მარხვა, შესაფერისია მსუბუქი საკვები, მარცვლეული და თევზი. ალკოჰოლი და ნიკოტინი უკუნაჩვენებია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ყველაზე ლამაზი, ყველაზე ნიჭიერი და ჭკვიანი სალომე..." - ვინ იყო გუდაურში ტრაგიკულად დაღუპული 12 წლის გოგონა
02:46 / 12-01-2016
10 იანვარს გუდაურში ტრაგიკულ შემთხვევას 12 წლის სალომე ტატიშვილი ემსხვერპლა. გოგონას დიდი სისწრაფით შეეჯახა თხილამურებით მოსრიალე 18 წლის ბიჭი. სალომე ადგილზევე დაიღუპა, ახალგაზრდა მამაკაცი კი დაშავდა და ამ დროისთვის მკურნალობას თბილისში, სამედიცინო დაწესებულებაში გადის.
სალომე ტატიშვილი ცნობილი ექიმის, დავით ტატიშვილის სამედიცინო ცენტრის ხელმძღვანელის, აკადემიკოს დავით ტატიშვილის ძმისშვილი იყო. 12 წლის გოგონა თბილისის მეექვსე საავტორო სკოლის VII კლასის მოსწავლე იყო. სკოლის "ფეისბუქის" გვერდზე სამძიმრის წერილი გამოქვეყნდა: "მოულოდნელი ტრაგიკული შემთხვევის შედეგად დაიღუპა სალომე ტატიშვილი, ჩვენი სკოლის ყველაზე გამორჩეული, ყველაზე ლამაზი, ყველაზე ნიჭიერი და ჭკვიანი სალომე. მთელი სკოლისთვის ეს განუზომელი ტკივილია, რომელსაც სიტყვები ვერ გამოხატავს..."
სალომე ტატიშვილი თეა დარჩიას ქორეოგრაფიული სტუდიის ერთ-ერთი გამორჩეული მოსწავლეც იყო...ტრაგიკულ შემთხვევას "ფეისბუქის" გვერდზე ეხმაურება ყოფილი პოლიტპატიმარი ცოტნე გამსახურდია: "უნდა იცნობდეთ კარგ თბილისელს, ექიმს და შესანიშნავ მენეჯერს - დავით ტატიშვილს... ამ ადამიანის დამსახურებით, მის დაარსებულ სარეაბილიტაციო ცენტრში დავდექი ხეირიანად ფეხზე ამ ორიოდე წლის უკან... დღეს დავურეკე, სამედიცინო ხასიათის საჭიროებებთან დაკავშირებით... არ მიპასუხა. ცოტა ხანში თავად დარეკა. ჩვეული ყურადღებით, გულისხმიერებით მისმინა, ყველაფერი გადაწყვიტა, ოღონდ უკაცრავად, მე ვერ შეგხვდებითო... გუშინ გუდაურში ჩემი ძმისშვილი დაიღუპაო... ელდა დამეცა. რა დროს ჩემი რეაბილიტაცია და ვინმეს ჯანმრთელობაა ასეთ დროს, გავოგნდი ამ კაცის თავშეკავებით და ტაქტით... ადამიანი, რომელსაც პირადი უბედურებაც არ უშლის ხელს სხვებზე ზრუნვაში! მუდამ კეთილშობილი პიროვნება... ნათელში იყოს თქვენი სალომე", - წერს "ფეისბუქის" გვერდზე გამსახურდია.
სალომე ტატიშვილი გუდაურიდან თბილისში 11 იანვარს გადმოასვენეს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აფეთქება, ამჯერად წყალქვეშ - თავდასხმა ყირიმის ხიდზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
