მნიშვნელოვანი ინფორმაცია
3
ივნისიდღის ზოგადი ასტროლოგიური პროგნოზი
სამშაბათი, მთვარის მერვე დღე დაიწყება 13:13-ზე, მთვარე ქალწულშია – დღეს დაწყებული და დაგეგმილი ყველაფერი გაცილებით ნელა მიმდინარეობს, ვიდრე ჩვენ გვსურს. შესაძლებელია მოვლენების მოულოდნელი შემობრუნება, კონფლიქტები და საგანგებო სიტუაციები. რეკომენდებულია კრეატიული მიდგომები ძველი პროექტების განსახორციელებლად. მოაგვარეთ მხოლოდ მცირე ფინანსური საკითხები. მოძებნეთ ახალი პარტნიორები. ინდივიდუალურად იმუშავეთ. შეზღუდეთ კოლექტიური მუშაობა. შეგიძლიათ დაიცვათ მარხვა, შესაფერისია მსუბუქი საკვები, მარცვლეული და თევზი. ალკოჰოლი და ნიკოტინი უკუნაჩვენებია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მედეა ვასაძის მძღოლს საზღვაო ქოლგის მოპარვაში ადანაშაულებენ - დეპუტატი ფაქტს პოლიტიკურ აქტივობას უკავშირებს
01:44 / 12-01-2016
აჭარის უმაღლესი საბჭოს ოპოზიციონერი დეპუტატის მედეა ვასაძის პირად მძღოლს საზღვაო ქოლგის მოპარვაში ადანაშაულებენ. დეპუტატი აცხადებს, რომ 62 წლის გოჩა კვაჭაძემ ქოლგა ქუჩაში უცნობი პირისგან 30 ლარად შეიძინა. მედეა ვასაძე სამართალდამცველებს დაკითხვის ფორმას უწუნებს და აცხადებს, რომ კვაჭაძე პოლიციელებმა განყოფილებაში დედის პანაშვიდიდან წაიყვანეს, რაც მორალურად გაუმართლებელია.
დეპუტატი ფაქტს მის პოლიტიკურ აქტივობას უკავშირებს და აცხადებს, რომ ამ ფორმით მასზე ზეწოლას ცდილობენ: "სამი პოლიციელი მოვიდა მთვრალ მდგომარეობაში და ჩემს მძღოლს დაუწყეს დაკითხვა იქ, სადაც მიცვალებული ასვენია. შემდეგ წავიდნენ და ორ საათში ისევ მობრუნდნენ, გააღვიძეს მძინარე ჭირისუფალი, შეკითხვები დაუსვეს. ჩემმა მძღოლმა უთხრა, რომ ქოლგა უცხო პირისაგან შეიძინა, რომელსაც საჭიროების შემთხვევაში ამოიცნობდა. თავიდან 50 ლარი დაუფასა, მაგრამ უთხრა, რომ 30-ის მეტი არ ჰქონდა და გამყიდველმაც ამ ფასად მიჰყიდა. სამართალდამცველებს უთხრა, რომ დედის დაკრძალვის შემდეგ, სამშაბათს მივიდოდა განყოფილებაში და ყველა კითხვას გასცემდა პასუხს.
პოლიციელები მეორე დღეს ისევ დაბრუნდნენ, საღამოს 7:00 საათზე პანაშვიდის დაწყების წინ წაიყვანეს დაკითხვაზე. ყველაფერს აქვს თავისი მორალი. ციხიდან მსჯავრდებულები მიჰყავთ, როცა ოჯახში არის მიცვალებული. რატომ არ შეიძლება, ორი დღის მერე გაარკვიონ 30-ლარიანი ქოლგის ამბავი?!", - აცხადებს ვასაძე.
სამართალდამცველებს ნივთმტკიცების სახით ბრენდირებული ქოლგა, რომელიც კვაჭაძის სახლის ეზოშია გაშლილი, ჯერ არ წაუღიათ. შინაგან საქმეთა სამინისტროს ინფორმაციით, გამოძიება 177-ე მუხლით მიმდინარეობს, რაც ქურდობას, სხვისი ნივთის დაუფლებას გულისხმობს.
ნინო ხოზრევანიძე
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აფეთქება, ამჯერად წყალქვეშ - თავდასხმა ყირიმის ხიდზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
