ერდოღანი პუტინს: "რატომ გაგზავნეთ ძალები საქართველოსა და უკრაინაში? მიგიწვიეს?"
რატომ გააგზავნა რუსეთმა სამხედროები უკრაინასა და საქართველოში? - ამ კითხვით თურქული მედიის ცნობით, თურქეთის პრეზიდენტმა რეჯეპ ტაიპ ერდოღანმა ვლადიმერ პუტინს მიმართა.
"რუსეთი აცხადებს, რომ მისი სამხედროები სირიაში სირიის მთავრობის მიწვევით არიან. თუმცა, სირიის მთავრობა არ არის ლეგიტიმური მთავრობა. მაშინ რატომ გააგზავნეთ რუსეთმა საკუთარი ძალები საქართველოში? იმიტომ რომ მიგიწვიეს? იმიტომ გააგზავნეთ უკრაინაში ჯარები, რომ მიგიწვიეს?", - განაცხადა ერდოღანმა სირიაში რუსი სამხედროების ქმედებებზე საუბრისას.
თურქეთის პრეზიდენტმა ასევე აღნიშნა, რომ რუსი სამხედროები სირიაში "ისლამური სახელმწიფოს" წინააღმდეგ არ იბრძვიან. "თურქმენები ამბობენ, რომ რუსული ბომბები მათ სოფლებში ცვივა. რუსეთი "ისლამური სახელმწიფოს" წინააღმდეგ არ იბრძვის. ისინი ცდილობენ მსოფლიო შეცდომაში შეიყვანონ", - განაცხადა თურქეთის პრეზიდენტმა.
რუსეთმა სირიის ტერიტორიაზე დაბომბვა 30 სექტემბერს დაიწყო. როგორც კრემლში განაცხადეს, ისინი "ისლამური სახელმწიფოს" წინააღმდეგ იბრძვიან.
კარანტინის დროს, სარეველების ამოთხრისას, მე-15 საუკუნის განძი იპოვეს - ბრიტანელმა მებაღემ ისტორიული საგანძური აღმოაჩინა
"მდიდარი ქვეყნები "კოვიდ-19“-ის საწინააღმდეგო ვაქცინებს დიდძალი რაოდენობით ყიდულობენ, რა ქნან ღარიბმა ქვეყნებმა?"
