2
აპრილიდღის ზოგადი ასტროლოგიური პროგნოზი
ახალი წლის დღეებში სამართალდამცველებმა ესპანეთის ქალაქ ტერასაში, ორი მოკლული ქართველის ცხედარი მათივე სახლში ნახეს. კრიმინალური ავტორიტეტები რუსთაველი გოჩა კაკალაშვილი და თბილისელი გელა გალიშვილი ცეცხლსასროლი იარაღით მოკლეს. ორივე საქართველოს მოქალაქეა, ერთ-ერთი 32 წლის, ხოლო მეორე 46 წლის იყო. ბარსელონასთან ახლოს ქალაქ ტერასაში მომხდარი მკვლელობის ერთ-ერთ მოტივად კრიმინალური გარჩევა სახელდება. ახლობლების თქმით, ერთ-ერთ გარდაცვლილს ტყვია თავში აქვს ნასროლი. ესპანური მედიის ცნობით, დანაშაულში ეჭვმიტანილი სამი ქართველი კრიმინალური ავტორიტეტია, რომლებიც მკვლელობამდე მოკლულებთან ერთად სუფრასთან ისხდნენ. მათ შემთხვევის ადგილიდან გაქცევა შეძლეს, თუმცა მოგვიანებით ისინი სამართალდამცველებმა დააკავეს.
მეზობლები ყვებიან, რომ სროლის ხმა გაიგეს და პოლიცია გამოიძახეს, პოლიციას ადგილზე ორი გვამი დახვდა. დაკავებულების ჩვენებით, სუფრაზე მათთან ერთად კიდევ ერთი ქართველი იმყოფებოდა, რომელმაც შელაპარკების შემდეგ ცეცხლსასროლი იარღი ამოიღო და ორი ადამიანი მოკლა. მათივე ჩვენებით, ისინი თავდამსხმელს გაექცნენ და სიკვდილს გადაურჩნენ.
სამართალდამცველებმა დაკავებულებს თავდაპირველად თვითმხილველების სტატუსი მიანიჭეს და მალევე გაათავისუფლეს. თუმცა მოგვიანებით დადგინდა, რომ ბინაში მხოლოდ 5 პირი იმყოფებოდა და საქმეს კვალიფიკაცია შეეცვალა. 3 თვითმხილველი მკვლელობაში ეჭვმიტანილის სტატუსით ხელახლა დააკავეს. გამოძიება გრძელდება. ჩატარდა ექსპერტიზა, რომელიც დაადგენს, რომელი ეჭვმიტანილის ხელზე დაფიქსირდა დენთის კვალი. ასე ესპანელი სამართალდამცავები დაადგენენ, თუ ვინ განახორციელა გასროლა.
