1
ივნისიდღის ზოგადი ასტროლოგიური პროგნოზი
პარლამენტის აპარატის თანამშრომლებმა ახალი წელი პარლამენტის თბილისის სასახლეში აღნიშნეს. სადღესასწაულო კორპორატიული მიღება საახალწლო მუსიკით გაიხსნა და პარლამენტის თავმჯდომარის მისალმებითა და მილოცვით გაგრძელდა. "2016 წელი დადგა! არჩევნების წელია და პარლამენტის ყველა თანამშრომელს ამ წლის ბოლოს უკეთეს პარლამენტს გისურვებთ. ძალიან კარგი პარლამენტი გვყავს ჩვენ, მაგრამ გვინდა კიდევ უფრო უკეთესი, ძალიან კარგი ქვეყანა გვაქვს, მაგრამ გვინდა კიდევ უკეთესი, ძალიან მაგრები ვართ ჩვენ, ქართველები, მაგრამ უნდა გავხდეთ კიდევ უფრო მაგრები და უკეთესები, ამიტომ 2016 წლის მანძილზე კარგ ამბებს გისურვებთ, ყველა იმ ჩანაფიქრის ასრულებას გისურვებთ, რომელიც თვითოეულ თქვენგანს გაქვთ საკუთარი ოჯახის წევრებისთვის, ახლობლებისთვის და ქვეყნისთვის", - მიმართა პარლამენტის აპარატის თანამშრომლებს უსუფაშვილმა. მან გასული, 2015 წელიც შეაფასა და იმ მიღწევებსა და წარმატებებზე ისაუბრა, რასაც პარლამენტმა და ზოგადად, ქვეყანამ მიაღწია. მისი თქმით, ყოველი წარმატება თითოეული ადამიანის შრომის და ღვაწლის და მთლიანად ერთიანი გუნდის შედეგია. კორპორატიული საღამო პარლამენტის აპარატში მომუშავე იმ თანამშრომლებისთვის სამახსოვრო საჩუქრების გადაცემით გაგრძელდა, რომელთაც პარლამენტში მუშაობის 25 და მეტ წლიანი სტაჟი აქვთ. პარლამენტის თავმჯდომარემ აპარატის 7 თანამშრომელს სპეციალური საჩუქრები გადასცა და გაწეული საქმიანობისთვის მადლობა გადაუხადა. საჩუქრებით - სახელობითი ავტოკალმებით, დასაჩუქრდნენ ასევე აპარატის 53 თანამშრომელი, რომლებმაც პარლამენტს საკუთარი საქმიანობა 20 წელზე მეტი დაუკავშირეს.
