ნორიოსთან ავარიის შედეგად ექვსი ადამიანი გარდაიცვალა

სოფელ ნორიოსთან, ავარიის შედეგად 6 ადამიანი გარდაიცვალა. როგორც "ინტერპრესნიუსს" შსს-ში განუცხადეს, ერთმანეთს 2 მსუბუქი ავტომობილი შეეჯახა. შემთხვევა თბილისის შემოვლით გზაზე, ნორიოსთან, 25-ე კილომეტრზე მოხდა. გარდაცვლილების გარდა, ასევე დაშავებულია ერთი პირი, რომელიც საავადმყოფოშია გადაყვანილი.

მომხდარზე გამოძიება სისხლის სამართლის კოდექსის 276-ე მუხლის მე-7 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ორი ან მეტი ადამიანის სიცოცხლის მოსპობა.

შემთხვევა სამ იანვარს, გამთენიისას მოხდა.

"ინტერპრესნიუსი"